ވައި ގަދަވެ، ބޮޑު ސަރަހައްދެއް ވައިޓް އެލާޓްގައި

ރާއްޖެއަށް ހުޅަނގު މޫސުން ފެށިފައިވާއިރު، ބޮޑު ބަޔަކަށް ވައިޓް އެލާޓް ނެރެފި އެވެ.

މެޓް އޮފީހުން އެލާޓް ނެރެފައި ވަނީ ވައި ގަދަވުމުގެ ސަބަބުން ކަނޑުތައް ވެސް ގަދަވެފައިވާތީ އެވެ.

އެގޮތުން ކ. އަތޮޅުން ފެށިގެން އައްޑޫ ސިޓީއަށް ނެރެފައިވާ އެލާޓުގައި ވަނީ ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެ ކަމަށެވެ. އަދި ވިލާގަނޑުގައި 40 މޭލަށް ވައިގަދަވެ، ކަނޑު ގަދަވާނެ ކަމަށް ވަނީ ލަފާކޮށްފަ އެވެ.

މުޅި ދުވަހުގެ މޫސުމަށް ބަލާއިރު، އެކި ހިސާބުތަކަށް ގުގުރުމާއެކު ވިއްސާރަ ކުރާނެ ކަމަށް މެޓް އޮފީހުން ވަނީ ލަފާކޮށްފަ އެވެ.

ވައިގަދަވެ، ކަނޑުތައް ގަދަކަމުން ސަލާމަތީ ފިޔަވަޅު އަޅަން ނޭޝަނަލް ޑިޒާސްޓާ މެނޭޖްމެންޓް (އެންޑީއެމްއޭ) އިން ވަނީ އިލްތިމާސްކޮށްފަ އެވެ.

އެގޮތުން ފުޅާލު އެއްލާލަފާނެ ކަމަށް އެއްސުމާއި ގޭ ދޮރުމަތީ ވެލި ބަސްތާ ޖެއްސުމާއި އަދި ކަނޑު ދަތުރުކުރާއިރު މުވާސަލާތީ ނިޒާމު ފުރިހަމަކުރިކަން ކަށަވަރު ކުރުމަށް ވަނީ އިލްތިމާސްކޮށްފަ އެވެ.