މިދިޔަ އަހަރު ލޯނުގެ ފައިސާ އެންމެ ގިނައިން ދޫކުރި އިންޑިއާއިން

ރާއްޖެއަށް ހަމަ ޖެހިފައިވާ ލޯނުގެ ފައިސާގެ ތެރެއިން އެންމެ ބޮޑު އަދަދެއް މިދިޔަ އަހަރު ދޫކޮށްފައިވަނީ އިންޑިއާގެ އެކްސްޕޯޓް-އިމްޕޯޓް (އެގްޒިމް) އިން ކަމަށް ދައްކައިފި އެވެ. 

ފިނޭންސް މިނިސްޓްރީން އާއްމުކުރި މިދިޔަ އަހަރުގެ މާލީ ރިޕޯޓް ދައްކާ ގޮތުން އިންޑިއާގެ އެގްޒިމް ބޭންކެވެ. އެ ބޭންކުން މިދިޔަ އަހަރު ޖުމްލަ 2,435.1 މިލިއަން ރުފިޔާ ރާއްޖެއަށް ދޫކޮށްފައިވެ އެވެ. މިދިޔަ އަހަރު ބޭރުގެ ކްރެޑިޓަރުންގެ އަތުން ލިބުނު ޖުމްލަ ފައިސާގެ ތެރެއިން % 42  ހިއްސާކުރަނީ އިންޑިއާގެ އެގްޒިމް ބޭންކުންނެވެ. 

ދެވަނައަށް އެންމެ ގިނަ ފައިސާ ދޫކޮށްފައިވަނީ ސައުދީ ފަންޑް ފޯ ޑިވެލޮޕްމަންޓް އިންނެވެ. އެ ފަންޑުގެ އެހީ މައިގަނޑު ގޮތެއްގައި އަމާޒުކޮށްފައިވަނީ ވެލާނާ އިންޓަނޭޝަނަލް އެއާޕޯޓް (VIA) ތަރައްގީކުރުމާއި މަސްވެރިކަމުގެ ދާއިރާ ކުރިއެރުވުމަށް ހިންގާ މަޝްރޫއުތަކަށެވެ. 

ސަރުކާރުން މިދިޔަ އަހަރުގެ ބޮރޮއިން ޕްލޭން އެކުލަވާލީ 16,841.1 ބިލިއަން ރުފިޔާ ހޯދުމަށް އަމާޒުކޮށްގެންނެވެ. ނަމަވެސް، އަހަރު ނިމުނުއިރު އަމަލީގޮތުން  ހޯދާފައިވަނީ ޖުމްލަ 12,335.3 ބލިއަން ރުފިޔާ އެވެ. މީގެ ތެރެއިން އެންމެ ބޮޑު ބައެއް ހިމެނެނީ ޑޮމެސްޓިކް ބޮންޑެވެ. އެއީ 5,875.9 ބިލިއަން ރުފިޔާ އެވެ. އަދި ޓްރެޜަރީ ބިލް  ނުވަތަ ކުރު މުއްދަތުގެ ސެކިއުރިޓީޒްގެ ގޮތުގައި 5,208.0 ބިލިއަން ރުފިޔާ (42.2%) ހޯދާފައިވެއެވެ. މީގެ އިތުރުން ބޭރުގެ ލޯނުގެ ގޮތުގައި ބަޖެޓް ސަޕޯޓަށް 1,251.4 ބިލިއަން ރުފިޔާ ހޯދާފައިވެއެވެ.