މޫސުމަށް ސަމާލުވެ، ރައްކާތެރިކަމުގެ ފިޔަވަޅު އަޅަން އެދިއްޖެ

މިހާރު ރާއްޖޭގެ އިރުދެކުނުން އުފެދިފައިވާ ކޮޅިގަނޑާއި ރާއްޖޭގެ އިރުއުތުރުން އުފެދިފައިވާ ލޯޕްރެޝާ ޓްރަފުގެ ސަބަބުން މޫސުން ގޯސްވަމުންދާތީ، ސަލާމަތީ ފިޔަވަޅުތައް އެޅުމަށް ނޭޝަނަލް ޑިޒާސްޓާ މެނޭޖްމެންޓް (އެންޑީއެމްއޭ) އިން އިލްތިމާސްކޮށްފި އެވެ.

މި ކޮޅިގަނޑުގެ ސަބަބުން  ދެކުނު ސަރަހައްދުގައި ވައި ގަދަވަމުންދާއިރު، ރާއްޖޭގެ އިރުއުތުރުން އުފެދިފައިވާ ލޯޕްރެޝާ ޓްރަފްގެ ސަބަބުން އެ ސަރަހައްދުގައި ގިނަ އަދަދަކަށް ބޯ ވިއްސާރަވިލާ ދަނީ އުފެދެމުންނެވެ.

އެހެންވެ، މޫސުމާ ބެހޭ ގައުމީ އިދާރާއިން ވަނީ މިއަދުން ފެށިގެން މިމަހުގެ 13 ވަނަ ދުވަހުގެ ނިޔަލަށް ރާއްޖޭގެ ބޮޑު ބަޔަކަށް ގަދަވަޔާއެކު ކަނޑުތައް ގަދަވެ، ބޯކޮށް ވާރޭވެހި، ވިއްސާރަކުރާނެ ކަމަށް ލަފާކޮށްފަ އެވެ.

އެންޑީއެމްއޭ އިން ވަނީ އޭގެ ސަބަބުން ލިބިދާނެ ގެއްލުންތަކުން ރައްކާތެރިވުމަށް އިލްތިމާސްކޮށްފަ އެވެ. އެގޮތުން ގޯތި ގެދޮރާއި މުދަލަށް ލިބިދާނެ ގެއްލުންތައް ކުޑަކުރާނެ ގޮތްތައްވެސް ކިޔައިދީފައިވެ އެވެ. އެގޮތުން؛

އޭގެއިތުރުން، ކަނޑު ދަތުރުކުރާ މީހުން މޫސުމަށް ސަމާލުވުމަށާއި، ދަތުރަށް ނުކުންނައިރު ސަލާމަތީ ކަންކަމާއި މުވާސަލާތީ ނިޒާމު ފުރިހަމަކަން ޔަގީން ކުރުމަށްވެސް އެންޑީއެމްއޭ އިން އިލްތިމާސްކޮށްފައިވެ އެވެ.