ކެންސަރަށް ފަރުވާކުރުމަށް އީރާނުން އާ އީޖާދެއް
މި މަޝްރޫއުގެ އިސްވެރިޔާ އާމިނާ މުހައްމަދީ މުގައްދަމް ވިދާޅުވި ގޮތުގައި މި ޑިވައިސް މިހާރު ވެސް އީރާނުގެ ސައިންޓިފިކް އަދި މެޑިކަލް ސެންޓަރުތަކުގައި ދިރާސާ ކުރުމަށާއި ފަރުވާ ދިނުމަށް ދަނީ ބޭނުންކުރަމުންނެވެ.
އީރާނުގެ ބަޔޯމެޑިކަލް ޓެކްނޮލޮޖީ ދާއިރާގައި މަސައްކަތްކުރާ ކުންފުންޏަކުން، ކެންސަރަށް ފަރުވާ ދިނުމަށް ބޭނުންކުރާ އެންމެ ޒަމާނީ "އިލެކްޓްރޯޕޮރޭޝަން" އަދި "އިލެކްޓްރޯކީމޯތެރަޕީ" ޑިވައިސްއެއް ކާމިޔާބުކަމާއެކު އުފައްދައިފި އެވެ.
އީރާނާއި ދުނިޔޭގެ ބައެއް ނޫސްތައް އަދި ސިއްހީ މެގަޒިންތަކުގައިވާ ގޮތުން މި ޑިވައިސްއަކީ ކެންސަރު ބަލިޖެހިފައިވާ ސެލްތަކަށް އަމާޒުކޮށްގެން، ހަށިގަނޑަށް ލިބޭ ގެއްލުން ކުޑަވާނެހެން ފަރުވާ ދިނުމަށް ފަރުމާކޮށްފައިވާ އާލާތެކެވެ.
އީރާނުގެ ރިސާޗަރުންނާއި އިންޖިނިއަރުންގެ ތަޖުރިބާގެ އަލީގައި ތައްޔާރުކުރި މި ސިސްޓަމަކީ އިންސާނުންނާއި ޖަނަވާރުންގެ ބަލިތަކަށް ފަރުވާކުރުމުގައި ވެސް ބޭނުންކުރެވޭނެ އެއްޗެކެވެ. މިއާއެކު، ދުނިޔޭގައި މިފަދަ އެޑްވާންސް ޓެކްނޮލޮޖީ އުފައްދާ މަދު ގައުމުތަކުގެ ލިސްޓަށް މިހާރު އީރާން ވަނީ އަރާފަ އެވެ.
މި މަޝްރޫއުގެ އިސްވެރިޔާ އާމިނާ މުހައްމަދީ މުގައްދަމް ވިދާޅުވި ގޮތުގައި މި ޑިވައިސް މިހާރު ވެސް އީރާނުގެ ސައިންޓިފިކް އަދި މެޑިކަލް ސެންޓަރުތަކުގައި ދިރާސާ ކުރުމަށާއި ފަރުވާ ދިނުމަށް ދަނީ ބޭނުންކުރަމުންނެވެ.
މި ޓެކްނޮލޮޖީގެ ބޭނުންތައް:
- ކެންސަރު ފަރުވާ: ޓާގެޓެޑް ތެރަޕީގެ އެހީގައި ކެންސަރު ސެލްތަކަށް ސީދާ ފަރުވާ ދިނުން.
- ޖެނެޓިކް އިންޖިނިއަރިން: ޖީން ތެރަޕީ އަދި ސެލް ތެރަޕީގެ މަސައްކަތްތަކަށް ބޭނުންކުރުން.
- ބޭސް އުފެއްދުން: ރީކޮމްބިނަންޓް ޑްރަގްސް އުފެއްދުމަށް ބޭނުންކުރުން.
ޔޫރަޕާއި އެމެރިކާ އަދި ދެކުނު ކޮރެއާ ފަދަ ގައުމުތަކުގައި މި ޓެކްނޮލޮޖީ އުފެއްދި ނަމަވެސް، އީރާނުން އަމިއްލައަށް މި އުފެއްދުމުގެ ސަބަބުން އެ ގައުމުގެ ކްލިނިކަލް ބޭނުންތަކަށް ފަސޭހައިން ބޭނުންކުރެވޭނެ މަގު ވަނީ ފަހިވެފައެވެ. މިއީ މުޅި ދުނިޔޭގެ މެޑިކަލް ދާއިރާއަށް ލިބުނު ބޮޑު ކުރިއެރުމެއްގެ ގޮތުގައި ފާހަގަކުރެވެއެވެ.
ކޮމެންޓް
Republic of Maldives