މިމަހު ޑެންގީގެ 116 ކޭސް، މަހުން މަހަށް ދަނީ އިތުރުވަމުން
އެޗްޕީއޭއިން މިއަދު އާންމުކުރި ތަފާސްހިސާބުތަކުން ދައްކާ ގޮތުގައި، 2025 އާ އަޅާބަލާއިރު މިއަހަރުގެ މިހާތަނަށް ޑެންގީގެ ކޭސްތައް ވަނީ ވަރަށް ބޮޑަށް އިތުރުވެފަ އެވެ.
މިމަހުގެ މިހާތަނަށް ޑެންގީ ހުމުގެ 116 ކޭސް ރިޕޯޓުކޮށްފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެޗްޕީއޭއިން މިއަދު އާންމުކުރި ތަފާސްހިސާބުތަކުން ދައްކާ ގޮތުގައި، 2025 އާ އަޅާބަލާއިރު މިއަހަރުގެ މިހާތަނަށް ޑެންގީގެ ކޭސްތައް ވަނީ ވަރަށް ބޮޑަށް އިތުރުވެފަ އެވެ.
އެގޮތުން މާލެ ސަރަހައްދަށްވުރެ އަތޮޅުތެރެއިން ރިޕޯޓު ކުރާ މިންވަރު އިތުރެވެ.
ތަފާސްހިސާބުތަކުން ދައްކާ ގޮތުގައި މިދިޔަ އަހަރުގެ ފުރަތަމަ ފަސް މަހު ޑެންގީ ކޭސްތައް ރިޕޯޓު ކުރި މިންވަރު އުޅުނީ މަހަކު ގާތްގަނޑަކަށް 76 އާއި 173 އާ ދޭތެރޭ އެވެ. ނަމަވެސް މިއަހަރު؛
- ޖެނުއަރީ - 679 ކޭސް
- ފެބްރުއަރީ - 428 ކޭސް
- މާޗް - 601 ކޭސް
- އޭޕްރީލް - 635 ކޭސް
- މޭ - މިހާތަނަށް 116 ކޭސް
ފާއިތުވި ދެ ހަފްތާއަށް ބަލާއިރު އެންމެ ގިނައިން ޑެންގީ ރިޕޯޓު ކޮށްފައި ވަނީ ހދ. އަތޮޅުންނާއި ގދ އަތޮޅުންނެވެ. އެގޮތުން ހދ. އަތޮޅުން 83 ކޭސް އަދި ގދ. އަތޮޅުން 35 ކޭސް ވަނީ ރިޕޯޓުކޮށްފަ އެވެ.
އެޗްޕީއޭ އިން ވަނީ ފާއިތުވި ދެ ހަފްތާތެރޭގައި އެންމެ ގިނައިން ޑެންގީގެ ކޭސް ރިޕޯޓުކޮށްފައިވާ 10 ރަށުގެ ތަފާސްހިސާބު ވެސް އާންމުކޮށްފަ އެވެ.
- ހދ. ކުޅުދުއްފުށި - 62 ކޭސް
- ށ. މިލަންދޫ - 17 ކޭސް
- ގދ. ތިނަދޫ - 16 ކޭސް
- މާލެ - 15 ކޭސް
- އދ. މާމިގިލި - 13 ކޭސް
- ހދ. ފިނޭ - 10 ކޭސް
- މ. މަޑުއްވަރީ - 10 ކޭސް
- ކ. މާފުށި - 10 ކޭސް
- ކ. ތުލުސްދޫ - 8 ކޭސް
- ގދ. ގައްދޫ - 8 ކޭސް
ޑެންގީ ހުން ފެތުރުން ހުއްޓުމުގެ ގޮތުން މަދިރި އާލާވާ ތަންތަން ނައްތާލައި، މަދިރި ހެފުމުން ރައްކާތެރިވުމަށް އެޗްޕީއޭއިން ވަނީ އިލްތިމާސްކޮށްފަ އެވެ.
ކޮމެންޓް
Republic of Maldives