އިހުމާލުން ކޭބަލް ބުރިވެ ކަރަންޓު ކެނޑުން | ދެވަނަ ފިޔަވައްސަށް ތަކުލީފަކަށް

ހުޅުމާލޭގެ ދެވަނަ ފިޔަވަހީން މިފަހުން ހައެއްކަ ފަހަރު ކަރަންޓު ކެނޑިފައިވަނީ މެއިން ކޭބަލް ބުރިވެގެންނެވެ. މި މަހު މިފަދަ ދެ ހާދިސާއެއް ވަނީ ހިނގާފަ އެވެ. މީގެ ކޮންމެ ހާދިސާއަކުން ވެސް އެނގިގެން ދަނީ ހުޅުމާލެ ދެވަނަ ފިޔަވަހީގައި މަސައްކަތް ކުރަން ކޮންނަ މީހުންގެ އިހުމާލެވެ. ފަރުވާ ކުޑަވުމުގެ ސަބަބުން އުދެލިން ނުވަތަ ހައިމާކުގެ ދަށްގަނޑުން ޖެހި މެއިން ކަރަންޓު ބޭބަލް ބުރި އެވެ. މިއާއެކު ހުޅުމާލޭގެ ބޮޑު ބަޔަކުން ކަރަންޓު ކެނޑެ އެވެ.  

މި މަހުގެ ތެރޭގައި މިއީ މިފަދަ ދެވަނަ ހާދިސާ އެވެ. މި ހިނގާ އެޕްރީލް މަހުގެ 12 ވަނަ ދުވަހުވެސް ކޮނުމުގެ މަސައްކަތް ކުރި ބައެއްގެ އިހުމާލުން މައި ކޭބަލަކަށް ގެއްލުންވެ، ދެވަނަ ފިޔަވަހީގެ ބޮޑު ބަޔަކުން ކަރަންޓު ކެނޑުނެވެ. މި ހާދިސާތަކުގެ ތަހުގީގުން ހާމަވި އެންމެ ކަންބޮޑުވާ ކަމަކީ، މީގެ ކުރިންވެސް ކޭބަލަށް ގެއްލުންދީ، އެކަން ސްޓެލްކޯއަށް ރިޕޯޓްކުރުމުގެ ބަދަލުގައި ޓޭޕް އޮޅައި ސިއްރުކޮށްފައިވާކަން "ފޯލްޓް ޑިޓެކްޓާ" މެދުވެރިކޮށް ބެލިބެލުމުން އެނގިފައިވުމެވެ.

ސްޓެލްކޯ އިން ބުނީ ހުޅުމާލެ ދެވަނަ ފިޔަވަހީގައި ވެސް ކަރަންޓު ކޭބަލްތައް ވަޅުލާފައިވަނީ ބައިނަލްއަޤުވާމީ މިންގަނޑުތަކާ އެއްގޮތަށް، ކޭބަލް އޮތް ސަރަހައްދު އަންގައިދޭ ޓޭޕާއި ރައްކާތެރިކަމުގެ ޝީޓްތަކާއެކުގައެވެ. އެހެންކަމުން، ބިންކޮނުމުގެ މަސައްކަތްކުރާ ފަރާތްތަކުން މިއަށްވުރެ ބޮޑަށް ސަމާލުކަންދީފިނަމަ، މިފަދަ ހާދިސާތައް ހިނގުން ހުއްޓުވޭނެ އެވެ.މި މައްސަލައަށް ދާއިމީ ހައްލެއް ހޯދުމަށްޓަކައި ކަރަންޓުގެ ވިއުގަ ބަލަހައްޓާ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާއެކު ސްޓެލްކޯއިން ވަނީ މަޝްވަރާ ބައްދަލުވުންތަކެއް ބާއްވާފައެވެ.