އައިލެންޑް އިންސްޓިޓިއުޓްގެ ޖޫން އިންޓޭކަށް ކުރިމަތިލުމުގެ ފުރުސަތު
އައިއިޓީގެ މި ކޯސްތަކަކީ މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) ގަބޫލުކުރާ، އެމްއެންކިއުއެފް ލެވެލް ތިނަކުން ފެށިގެން ލެވެލް ހަކަޔާ ހަމައަށް ކިޔެވުމުގެ ފުރުސަތު ލިބޭ ކޯސްތަކެކެވެ.
މަތީ ތައުލީމާއި ތަމްރީނު ދިނުމުގައި 16 އަހަރުގެ ތަޖުރިބާލިބިފައިވާ އައިލެންޑް އިންސްޓިޓިއުޓް އޮފް ޓާޝަރީ އެޑިއުކޭޝަން (އައިއައިޓީއީ) އިން، މި އަހަރުގެ ޖޫން މަހުގެ އިންޓޭކަށް އެކި ދާއިރާތަކުން ކޯސްތައް އިއުލާނުކޮށް، ކުރިމަތިލުމުގެ ފުރުސަތު ހުޅުވާލައިފި އެވެ.
އައިއިޓީ އިން ވަނީ މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) ގަބޫލުކުރާ، އެމްއެންކިއުއެފް ލެވެލް ތިނަކުން ފެށިގެން ލެވެލް ހަކަޔާ ހަމައަށް ތަފާތު ޕްރޮގްރާމްތަކެއް ކުރިއަށް ގެންދިއުމަށް ވަނީ ހަމަޖެހިފަ އެވެ.
އިއުލާނުކޮށްފައިވާ ދާއިރާތަކާއި ލެވެލްތައް:
- ސެޓްފިކެޓް ލެވެލް 3 (15 ހަފްތާ) - ބިޒްނަސް މެނޭޖްމަންޓް، އެޗްއާރްއެމް، ޓްރެވަލް އެންޑް ޓޫރިޒަމް، އިންފޮމޭޝަން ޓެކްނޮލޮޖީ، އަދި އިނގިރޭސި ބަހުގެ ކޯސްތައް
- އެޑްވާންސް ސެޓްފިކެޓް ލެވެލް 4 (1 އަހަރު) - ބިޒްނަސް، އެޗްއާރްއެމް، އަދި ލީޑާޝިޕް އެންޑް މެނޭޖްމަންޓް
- ޑިޕްލޮމާ ލެވެލް 5 (1 އަހަރު) - އިސްލާމިކް ބޭންކިންގް އެންޑް ފައިނޭންސް، އޮފީސް މެނޭޖްމަންޓް، އަދި ލީޑަރޝިޕް އެންޑް މެނޭޖްމަންޓް ފަދަ ދާއިރާތައް
- އެސޯސިއޭޓް ޑިގްރީ ލެވެލް 6 (2 އަހަރު) - ހިއުމަން ރިސޯސް މެނޭޖްމަންޓް އަދި ލީޑަރޝިޕް އެންޑް މެނޭޖްމަންޓް
މި ކޯސްތަކުގެ ތެރެއިން ގިނަ ކޯސްތަކަކީ މާލޭގައި ތިބެގެން ނުވަތަ އޮންލައިންކޮށް ކިޔެވުމުގެ އިހުތިޔާރު ލިބިގެންދާނެ ކޯސްތަކެކެވެ. މީގެ އިތުރުން، ޔުނިވަރސިޓީ ޕްރިޕަރޭޝަން ޕްރޮގްރާމް (ޔޫޕީޕީ)ގެ ގެ ފުރުސަތު ވެސް މި އިންޓޭކުގައި ވަނީ ހުޅުވާލާފައިވެ އެވެ. މި ކޯސްތަކަށް ކުރިމަތިލުމުގެ އެންމެ ފަހު ތާރީޚަކީ 25 ޖުލައި 2026 އެވެ. އިތުރު މައުލޫމާތު ހޯއްދެވުމަށް އެ އިންސްޓިޓިއުޓްގެ ނަންބަރު 9639992 އަށް ގުޅުއްވުމަށް ނުވަތަ ވެބްސައިޓް އަށް ޒިޔާރަތްކުރެއްވުމަށް އެ އިންސްޓިޓިއުޓުން އެދެއެވެ.
ކޮމެންޓް
Republic of Maldives