އެމްއެމްއޭ ރިސާޗް ކޮންފަރެންސް | ދިރާސާ ކަރުދާސް ހުށަހެޅުމުގެ ފުރުސަތު
މި ކޮންފަރެންސްގައި ކަރުދާސް ހުށަހެޅުމުގެ ފުރުސަތު ދިރާސާވެރިންނަށާއި، މަރުކަޒީ ބޭންކުތަކުގެ މުވައްޒަފުންނަށާއި، ދަރިވަރުންގެ އިތުރުން އަމިއްލަ ޖަމިއްޔާތަކަށް ވެސް ވަނީ ހުޅުވާލާފައެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބާއްވާ ތިންވަނަ އަހަރީ ދިރާސާ މަހާސިންތާ، "އެމްއެމްއޭ ރިސާޗް ކޮންފަރެންސް 2026" އަށް ދިރާސާ ކަރުދާސް ހުށަހެޅުމުގެ ފުރުސަތު ހުޅުވާލައިފި އެވެ.
މަރުކަޒީ ބޭންކުން ބާއްވާ މި އަހަރުގެ ރިސާޗް ކޮންފަރެންސް އޮންނާނީ އިގްތިސާދީ އަދި ދުނިޔޭގެ ބަދަލުތަކާއެކު ދެމެހެއްޓެނިވި ތަރައްގީއަށްޓަކައި މެކްރޯއިކޮނޮމިކް އަދި މާލީ ހަމަޖެހުން މި ތީމްގެ ދަށުންނެވެ.
ދިރާސާ ކުރެވިދާނެ ދާއިރާތައް
- މަނިޓަރީ ޕޮލިސީ އަދި ތަކެތީގެ އަގު ހިފެހެއްޓުން.
- މާލީ ދާއިރާގެ ހަމަޖެހުމާއި ރެގިއުލޭޝަން.
- އިސްލާމިކް ފައިނޭންސް އަދި ފައިނޭންޝަލް އިންކްލޫޝަން.
- ޑިޖިޓަލް ފައިނޭންސް އަދި ޕޭމަންޓް ސިސްޓަމްތައް.
- މޫސުމީ ބަދަލުތަކާ ގުޅޭ މާލީ ނުރައްކާތައް.
- ދައުލަތުގެ ފިސްކަލް ދެމެހެއްޓެނިވިކަން، ބޯހިޔާވަހިކަން އަދި ސިއްހީ އިގްތިސާދު.
ކޮންފަރެންސުގެ މަގުސަދު - އިގްތިސާދީ މާހިރުންނާއި، ދިރާސާވެރިން އަދި ސިޔާސަތު ކަނޑައަޅާ ފަރާތްތަކުގެ މެދުގައި މަޝްވަރާކޮށް، އާ ދިރާސާތައް ހިއްސާކުރުމާއި ރާއްޖޭގެ އިގްތިސާދަށް ކުރިމަތިވާ ގޮންޖެހުންތަކަށް ހައްލު ހޯދުމަށް ސައިންޓިފިކް ދިރާސާތަކުގެ އެހީތެރިކަން ހޯދުން އަދި ދެމެހެއްޓެނިވި އަދި ވިލުންތެރި އިގްތިސާދެއް ބިނާކުރުމަށް ބޭނުންވާ އިލްމީ މަސައްކަތްތަކަށް މަގުފަހިކޮށްދިނުމެވެ. ހުށަހަޅާ ހަރުދާސްތައް ހުންނަންވާނީ އިނގިރޭސި ބަހުންނެވެ.
މި ކޮންފަރެންސްގައި ކަރުދާސް ހުށަހެޅުމުގެ ފުރުސަތު ދިރާސާވެރިންނަށާއި، މަރުކަޒީ ބޭންކުތަކުގެ މުވައްޒަފުންނަށާއި، ދަރިވަރުންގެ އިތުރުން އަމިއްލަ ޖަމިއްޔާތަކަށް ވެސް ވަނީ ހުޅުވާލާފައެވެ. ހުށަހެޅުމުގެ ސުންގަޑިއަކީ އަންނަ މަހުގެ 20 ވަނަ ދުވަހެވެ. އަދި
ހޮވޭ ހުށަހެޅުންތައް އިއުލާން ކުރާނީ ޖޫން ތިންވަނަ ދުވަހު އެވެ. އަދި ފުރިހަމަ ކަރުދާސް ހުށަހަޅާނީ ސެޕްޓެމްބަރު ތިންވަނަ ދުވަހު އެވެ.
ކޮމެންޓް
Republic of Maldives