241 އާއި މާލިއްޔަތު ކޮމިޓީން ނާޒިމް ބޭރުކޮށްފި
އެ ބަދަލު ގެނެސްފައި ވަނީ އިއްޔެ އެވެ. އާންމު އުސޫލުން ކޮމިޓީތަކަށް އައި ބަދަލު ރިޔާސަތުން އިއުލާން ކުރަން ޖެހޭ ނަމަވެސް މިއަދު ޖަލްސާ ފަށައިގެން ނިންމާލި އިރު ވެސް ރިޔާސަތުގައި އިންނެވި ނާޒިމް އެކަން އިއުލާނެއް ނުކުރައްވަ އެވެ.
ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމް މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ އާއި މާލިއްޔަތު ކޮމިޓީން ބަދަލު ކޮށްފި އެވެ.
މަޖިލީހުގެ 241 ކޮމިޓީ އާއި މާލިއްޔަތު ކޮމިޓީއަކީ އެންމެ ބޮޑެތި މަސައްކަތްތައް ހިންގައި އަދި އާންމު ގޮތެއްގައި ޕާޓީގެ ސީނިއާ މެންބަރުން ތިއްބަވާ ކޮމިޓީތަކެވެ.
ނަމަވެސް މަޖިލީހުގެ ވެބްސައިޓުން މިހާރު ފެންނަ ގޮތުގައި އޭނާ ވަނީ އެ ދެ ކޮމިޓީން ބޭރު ކޮށްފަ އެވެ.
އެނގިފައިވާ ގޮތުގައި އެ ބަދަލު ގެނެސްފައި ވަނީ އިއްޔެ އެވެ. އާންމު އުސޫލުން ކޮމިޓީތަކަށް އައި ބަދަލު ރިޔާސަތުން އިއުލާން ކުރަން ޖެހޭ ނަމަވެސް މިއަދު ޖަލްސާ ފަށައިގެން ނިންމާލި އިރު ވެސް ރިޔާސަތުގައި އިންނެވި ނާޒިމް އެކަން އިއުލާނެއް ނުކުރައްވަ އެވެ.
ދެ ކޮމިޓީން ވަކި ކުރުމަށް ފަހު ނާޒިމް ދެން މަސައްކަތް ކުރާނީ އެންވާރަމަންޓް އެންޑް ކްލައިމެޓް ޗޭންޖު ކޮމިޓީ އާއި އެސްއޯއީ ކޮމިޓީގަ އެވެ.
ނާޒިމް އަކީ މަޖިލީހުގެ ސީނިއާ ބޭފުޅެއްގެ އިތުރުން އިންތިހާބުގެ ކުރިން ރައީސް ޑރ. މުހައްމަދު މުއިއްޒު އާ ވެސް ވަރަށް ކައިރިން މަސައްކަތް ކުރެއްވި މެންބަރެކެވެ.
ނަމަވެސް އިންތިހާބުގެ ނަތީޖާ އަށް ފަހު ރައީސް އަންނަނީ ސަރުކާރުގެ އިތުރުން ޕީއެންސީގެ ތެރެއަށް ވެސް ބޮޑެތި ބަދަލުތައް ގެންނަވަމުންނެވެ.
ކޮމެންޓް
Republic of Maldives