ނަޝީދު އެމްޑީޕީގެ ޗެއާޕާސަން ކަމަށް ވާދަކުރައްވަނީ
ނަޝީދު ވަނީ މީގެ ކުރިން 2005 ވަނަ އަހަރުން 2008 ވަނަ އަހަރާ ހަމައަށް އެމްޑީޕީގެ ޗެއާޕާސަންގެ މަގާމު އަދާ ކުރައްވައިފަ އެވެ.
އެ މަނިކުފާނު އެކަން އިއުލާން ކުރެއްވީ އެ ޕާޓީގެ ކުރީގެ ޗެއާޕާސަން ފައްޔާޒް އިސްމާއިލް އާއެކު މިއަދު ބޭއްވި ނޫސްވެރިންގެ ބައްދަލުވުމެއްގަ އެވެ. އެ ބައްދަލުވުމުގައި ނަޝީދާއި ފައްޔާޒް ވަނީ ރާއްޖޭގެ ވެރިކަން ހިންގުމުގެ ނިޒާމަށް ގެންނަން ފެންނަ ބޮޑެތި ބަދަލުތަކެއް އިއުލާން ކުރައްވައިފަ އެވެ.
އެއަށް ފަހު ނަޝީދު ވިދާޅުވީ އެ ބަދަލުތައް ފުރަތަމަ އެމްޑީޕީން އެއްބަސްވެ ބަލައިގަންނަން ޖެހޭ ކަމަށާއި އެހެންކަމުން އެކަން ކުރުމަށް އެ ޕާޓީގެ ޗެއާޕާސަންގެ މަގާމަށް ކުރިމަތިލައްވަން ނިންމަވާފައިވާ ކަމަށެވެ.
"އަޅުގަނޑު ގަސްތު ކޮށްފިން އެމްޑީޕީގެ ޗެއާޕާސަން ކަމަށް ކުރިމަތިލާން. އެއީ މި ބަދަލުތައް ހޯދަން. މި ބަދަލުތައް މިހާރު ބޭނުން،" ނަޝީދު ވިދާޅުވި އެވެ.
ނަޝީދު ވަނީ މީގެ ކުރިން 2005 ވަނަ އަހަރުން 2008 ވަނަ އަހަރާ ހަމައަށް އެމްޑީޕީގެ ޗެއާޕާސަންގެ މަގާމު އަދާ ކުރައްވައިފަ އެވެ.
މިހާރު އެ މަގާމް ހުސްވެފައިވާ އިރު އެ މަގާމަށް ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ވަނީ ކުރިމަތިލައްވައިފަ އެވެ. އޭގެ އިތުރުން އެސްޓީއޯގެ ކުރީގެ އެމްޑީ ހުސެއިން އަމްރު ވެސް ވަނީ އެ މަގާމަށް ވާދަ ކުރަން ނިންމަވާފައިވާ ކަމަށް އިއުލާން ކުރައްވައިފަ އެވެ.
ކޮމެންޓް
Republic of Maldives