ކައުންސިލް އަދި ޑަބްލިއުޑީސީ އިންތިހާބުގެ ދެވަނަ ބުރުގެ ވޯޓުލުން ކުރިއަށް
ވޯޓުލުން ފަށާފައި ވަނީ މިއަދު ހެނދުނު 8:00 ގައެވެ. އިލެކްޝަން ކޮމިޝަން (އީސީ) އިން ބުނެފައި ވަނީ ވޯޓު ފޮށި ބަހައްޓާފައިވާ ހުރިހާ މަރުކަޒެއްގެ ވޯޓުލުން މިހާރު ފަށާފައިވާ ކަމަށެވެ. ކިޔޫ ބަންދު ކުރާނީ ހަވީރު 4:00 ގައެވެ.
މިމަހުގެ ހަތަރު ވަނަ ދުވަހު ބޭއްވި ލޯކަލް ކައުންސިލް އިންތިހާބުގައި ވޯޓު އެއްވަރުވެގެން ދެވަނަ ބުރަށް ގޮސްފައިވާ ފަސް ދާއިރާގެ ވޯޓުލުން ފަށައިފި އެވެ.
ވޯޓު އެއްވަރުވެގެން ދެވަނަ ބުރަށް ގޮސްފައި ވަނީ ކައުންސިލްގެ ދެ ގޮނޑިއަކާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ ތިން ގޮނޑިއެކެވެ.
އެގޮތުން މިއަދު ވޯޓުލުން ކުރިއަށް ދަނީ ބ. ދޮންފަހު ކައުންސިލްގެ އަންހެނުންނަށް ހާއްސަކޮށްފައިވާ ގޮނޑި އާއި ފުވައްމުލަކު ސިޓީ ދަޑިމަގު ދާއިރާގެ އަންހެން ގޮނޑިއަށް ވާދަކުރާ ދެ ކެންޑިޑޭޓެއްގެ މެދުގަ އެވެ.
އަދި ވޯޓު އެއްވަރުވެގެން ހއ. ކެލާ ޑަބްލިއުޑީސީގެ ރައީސް އާއި ހދ. ނޭކުރަންދޫ ޑަބްލިއުޑީސީގެ މެންބަރާއި ލ. މާވަޑު ޑަބްލިއުޑީސީ މެންބަރު ހޮވުމަށް ނަގާ ދެވަނަ ބުރުގެ ވޯޓެވެ.
ވޯޓުލުން ފަށާފައި ވަނީ މިއަދު ހެނދުނު 8:00 ގައެވެ. އިލެކްޝަން ކޮމިޝަން (އީސީ) އިން ބުނެފައި ވަނީ ވޯޓު ފޮށި ބަހައްޓާފައިވާ ހުރިހާ މަރުކަޒެއްގެ ވޯޓުލުން މިހާރު ފަށާފައިވާ ކަމަށެވެ. ކިޔޫ ބަންދު ކުރާނީ ހަވީރު 4:00 ގައެވެ.
ކޮމެންޓް
Republic of Maldives