ކުޅުދުއްފުށިން ގެއްލުނު މީހަކު ފެނުނީ މޫދު އަޑިން

ކުޅުދުއްފުށި ސިޓީއިން ގެއްލިގެން ހޯދަނިކޮށް ކަނޑު އަޑިން ފެނުނު މީހަކު މަރުވެއްޖެ އެވެ.

ފުލުހުން މިއަދު ބުނީ އެ ސިޓީގެ، ބަޑިފަސްގަޑުގެ. ސުލައިމާން ހުސައިން 59، ގެއްލިގެން މިއަދު މެންދުރު 1:48 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.

އެމީހާ ހޯދުމުގެ މަސައްކަތް ފުލުހުން ކުރަމުން ދަނިކޮށް، އެމީހާ ފެނިފައިވަނީ މިއަދު 15:00 އެހައިކަންހާއިރު ބޮޑަވަކިވާ ބީޗް މޫދު އަޑިން ކަމަށް ފުލުހުން ބުންޏެވެ. ވަގުތުން އެމީހާ ވަނީ ކުޅުދުއްފުށި ރީޖަނަލް ހޮސްޕިޓަލަށް ގެންގޮސްފަ އެވެ.

ފުލުހުން ބުނީ އެމީހާ މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ. އަދި މައްސަލަ ތަހުގީގު ކުރަމުންދާ ކަމަށްވެސް ބުންޏެވެ.