ނިރުފެހި ސާފުކުރަނިކޮށް މީހެއްގެ ފައިތިލަ ފެނިއްޖެ
މި މަހުގެ ނުވަ ވަނަ ދުވަހުގެ ރޭ މެންދަމު 12:30 ގައި ހިނގި އަލިފާނުގެ ހާދިސާގައި 10 މީހަކު މަރުވި އެވެ. އެ މީހުންގެ ހަށިގަނޑުތައް އިމާރާތުގެ ތެރެއިން ފެނުނުއިރު ވަރަށް ބޮޑަށް ވަނީ އަނދާފަ އެވެ.
މ. ނިރުފެހި ގޭގެ ގަރާޖުގައި އަލިފާން ރޯވެ ހިނގި ނުރައްކާތެރި އަލިފާނުގެ ހާދިސާއަށް ފަހު އިމާރާތް ސާފުކުރުމުގެ މަަސައްކަތް ކުރަނިކޮށް މީހެއްގެ ފައިތިލައެއް ފެނިއްޖެ އެވެ.
މި މަހުގެ ނުވަ ވަނަ ދުވަހުގެ ރޭ މެންދަމު 12:30 ގައި ހިނގި އަލިފާނުގެ ހާދިސާގައި 10 މީހަކު މަރުވި އެވެ. އެ މީހުންގެ ހަށިގަނޑުތައް އިމާރާތުގެ ތެރެއިން ފެނުނުއިރު ވަރަށް ބޮޑަށް ވަނީ އަނދާފަ އެވެ. އެހެން ކަމުން އެއީ ކޮން ބައެއްކަން ދެނެގަންނަން އެހައި ފަސޭހައެއް ނުވި އެވެ.
ފުލުހުން ދެންމެ ބުނީ އިމާރާތް ސާފުކުރުމުގެ މަސައްކަތް ކުރަނިކޮށް މީހެއްގެ ފައިތިލަ ފެނިފައިވާ ކަމަށެވެ.
އަލިފާނުގައި މަރުވި މީހުން
މި ހާދިސާގައި މަރުވި މީހުންގެ މައުލޫމާތު ފޮރިން މިނިސްޓްރީ އަށާއި ދެ ގައުމުގެ އެމްބަސީއާ ވަނީ ހިއްސާ ކޮށްފައެވެ.
މަރުވި މީހުންގެ ތެރެއިން އާއިލާއިން ހަށިގަނޑު ގައުމަށް ގެންދަން ބޭނުންވާ މީހުންގެ ހަށިގަނޑު އެމީހުންގެ ގައުމަށް ގެންދިއުމުގެ މަސައްކަތް ކުރަމުން އަންނަ ކަމަށް ފުލުހުން ބުންޏެވެ. އެކަން ކުރަމުން ދަނީ ފޮރިން މިނިސްޓްރީ އަދި އެމްބަސީތައް ގުޅިގެންނެވެ. ތިން މީހެއްގެ ހަށިގަނޑު މިހާރު ވަނީ ގައުމަަށް ފޮނުވާލާފައެވެ.
ކޮމެންޓް
Republic of Maldives