ޑިފެންސް މިނިސްޓަރުގެ މަގާމުން ޣައްސާން އިސްތިއުފާ ދެއްވައިފި
ނިމިދިޔަ ލޯކަލް ކައުންސިލް އިންތިހާބުގައި ވެރިކަން ކުރާ ޕީއެންސީއަށް ލިބުނު ބޮޑު ނާކާމިޔާބީ އާ ގުޅިގެން، ރައީސް މުއިއްޒު ވަނީ ކެބިނެޓުގެ އިތުރުން ސަރުކާރުގެ ގިނަ ކުންފުނިތަކުގެ ވެރިން ވެސް ބަދަލުކުރައްވައިފަ އެވެ.
އެނގިފައިވާ ގޮތުގައި، ޣައްސާން އިސްތިއުފާ ދެއްވީ ރައީސް ޑރ. މުހައްމަދު މުއިއްޒު އަންގަވައިގެންނެވެ.
ނަމަވެސް، އެ ގޮތަށް އެންގެވި ސަބަބެއް އަދި ސާފެއް ނުވެ އެވެ.
ރައީސް މުއިއްޒު ވަނީ ކެބިނެޓަށް އަނެއްކާވެސް ބަދަލުތަކެއް މިއަދު ގެންނަވައިފަ އެވެ.
މިގޮތުން، ފޮރިން މިނިސްޓަރުކަމުން ޑރ. އަބްދުﷲ ހަލީލް ވަކިކުރައްވާފައިވާއިރު، ވަޒީރުންގެ މަޖިލީހުގެ އިތުރު މެމްބަރުންތަކެއް ވެސް ވަކިކުރި ކަމުގެ މައުލޫމާތު ދަނީ ލިބެމުންނެވެ.
ނަމަވެސް، ވަކިކުރި އިތުރު ވަޒީރުންގެ ތަފްސީލެއް އަދި ނުލިބެ އެވެ.
ޣައްސާން ޑިފެންސް މިނިސްޓަރުގެ މަގާމަށް އައްޔަނުކުރެއްވީ ރައީސް މުއިއްޒު ވެރިކަމާ ހަވާލުވެވަޑައިގެންނެވި ފުރަތަމަ ދުވަހެވެ.
ނިމިދިޔަ ލޯކަލް ކައުންސިލް އިންތިހާބުގައި ވެރިކަން ކުރާ ޕީއެންސީއަށް ލިބުނު ބޮޑު ނާކާމިޔާބީ އާ ގުޅިގެން، ރައީސް މުއިއްޒު ވަނީ ކެބިނެޓުގެ އިތުރުން ސަރުކާރުގެ ގިނަ ކުންފުނިތަކުގެ ވެރިން ވެސް ބަދަލުކުރައްވައިފަ އެވެ.
ކޮމެންޓް
Republic of Maldives