ހަނގުރާމައިގެ ސަބަބުން ހައްޖުގެ އަޅުކަމަށް ހުރަހެއް ނެތް، އިންތިޒާމުތައް ހުރީ ހަމަޖެހިފައި
ޝަހީމް ވިދާޅުވީ ހަނގުރާމައިގެ ސަބަބުން ހައްޖުގެ އަޅުކަން އަދާކުރުމަށް ސައުދީ އަރަބިއްޔާއަށް ދިއުމުގައި އެއްވެސް ހުރަހެއް ނެތް ކަމަށެވެ.
މެދުއިރުމަތީގައި މިހާރު ކުރަމުންދާ ހަނގުރާމައިގެ ސަބަބުން މި އަހަރުގެ ހައްޖު އަޅުކަން އަދާކުރުމަށް ހުރަހެއް ނެތް ކަމަށާއި، ދިވެހި ހައްޖާޖީންގެ ހުރިހާ އިންތިޒާމުތަކެއް ވެސް މިހާރު ހަމަޖެހިފައިވާކަމުގެ ޔަގީންކަން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ދެއްވައިފި އެވެ.
ހަނގުރާމަ އާ ގުޅިގެން އުފައްދާފައިވާ ވަޒީރުންގެ ހާއްސަ ކޮމިޓީން މިއަދު ބޭއްވި ނޫސްވެރިންގެ ބައްދަލުވުމުގައި މައުލޫމާތު ދެއްވަމުން ޝަހީމް ވިދާޅުވީ ހަނގުރާމައިގެ ސަބަބުން ހައްޖުގެ އަޅުކަން އަދާކުރުމަށް ސައުދީ އަރަބިއްޔާއަށް ދިއުމުގައި އެއްވެސް ހުރަހެއް ނެތް ކަމަށެވެ.
އަދި ދިވެހި ޙައްޖާޖީން ހައްޖު އަޅުކަން އަދާކުރުމަށް ދިޔުމުގެ ހުރިހާ އިންތިޒާމުތަކެއް މިހާރު ހަމަޖެހިފައިވާ ކަމަށް އޭނާ ވިދާޅުވި އެވެ.
"ދިވެހިރާއްޖޭގެ ހައްޖުވެރިންގެ އެންމެހާ ކަންތައްތަކެއްވެސް ވަނީ ވަރަށް ފުރިހަމައަށް ނިމިފައި. ވިސާވެސް ވަނީ މިހާރު އިޝޫ ކުރެވިފައި. އަދި އެކަމަޑޭޝަނާއި، އެހެނިހެންވެސް ތައްޔާރީތައް ފްލައިޓުގެ ދަތުރުތަކާ ހުރިހާކަމެއްވެސް ވަނީ އިންތިޒާމްކުރެވިފައި،" ޝަހީމް ވިދާޅުވި އެވެ.
މިދިޔަ އަހަރެކޭ ވެސް އެއްފަދައިން، މި އަހަރު ވެސް ދިވެހި ހައްޖުވެރިން ސައުދީއަށް ދަތުރުކުރުމަށް ހަމަޖެހިފައިވާ މައްކާ ރޫޓުގެ އިންތިޒާމުތަކުގެ ދަށުންނެވެ.
މިގޮތުން، ދިވެހި ހައްޖުވެރިން އަންނަ މަހުގެ 15 ވަނަ ދުވަހު ސައުދީއަށް ފުރަން ފަށާނެ އެވެ.
ކޮމެންޓް
Republic of Maldives