އިންޑިއާގެ މަޝްހޫރު ލަވަކިޔުންތެރިޔާ އާޝާ ބޯސްލޭ މަރުވެއްޖެ
އުމުރުން 92 އަހަރުގައި އޭނާ މިއަދު މަރުވެފައިވަނީ އެކި ގުނަވަންތައް ފެއިލްވެގެން ކަމަށް އޭނާއަށް ފަރުވާދިން ޑޮކްޓަރުންގެ ޓީމާ ހަވާލާދީ އިންޑިއާގެ ނޫސްތަކުގައި ރިޕޯޓްކޮށްފައިވެ އެވެ.
އާޝާގެ ހާލު ދެރަވެގެން މުމްބާއީގެ ބްރީޗް ކޭންޑީ ހޮސްޕިޓަލުގައި ދިޔައީ ފަރުވާ ދެމުންނެވެ. އުމުރުން 92 އަހަރުގައި އޭނާ މިއަދު މަރުވެފައިވަނީ އެކި ގުނަވަންތައް ފެއިލްވެގެން ކަމަށް އޭނާއަށް ފަރުވާދިން ޑޮކްޓަރުންގެ ޓީމާ ހަވާލާދީ އިންޑިއާގެ ނޫސްތަކުގައި ރިޕޯޓްކޮށްފައިވެ އެވެ.
ބޮލީވުޑްގައި ޕްލޭބެލް ސިންގަރެއްގެ ގޮތުގައި އާޝާ ހަރަކާތްތެރިވާން ފެށީ 1950ގެ އަހަރުތަކުން ފެށިގެންނެވެ. އޭނާގެ 80 އަހަރުގެ ކެރިއާގައި 12،500 އަށްވުރެ ގިނަ ލަވަ ރެކޯޑުކޮށްފައިވެ އެވެ.
މަޝްހޫރު އެތައް ލަވައެއް ކިޔާފައިވާ އާޝާއަށް އިންޑިއާގެ ސަރުކާރުން ދޭ ދެވަނަ ދަރަޖައިގެ މަތީ ޝަރަފުގެ އިނާމު ކަމަށްވާ "ޕަދްމާ ވިބޫޝަން" އަދި "ދާދާސާހެބް ޕާލްކޭ" އެވޯޑް ވެސް ވަނީ ލިބިފަ އެވެ. އަދި ފިލްމު ފެއާ އިން ދޭ އެންމެ މޮޅު އަންހެން ޕްލޭބެކް ސިންގާގެ އެވޯޑު ހަތް ފަހަރު އޭނާއަށް ލިބިފައިވެ އެވެ.
ކޮމެންޓް
Republic of Maldives