ތެޔޮ ބޯޓުގައި ރޯވި އަލިފާން ނިއްވާލައިފި | އައިސްޕްލާންޓް އަނދައި، އެކަކު ފިހިއްޖެ

ފ. ފީއަލީގެ ތެޔޮ ޖެޓީގައި އޮތް ތެތޮ ބޯޓެއްގައި ރޯވި އަލިފާން ކޮންޓްރޯލްކޮށްފި އެވެ.

އަލިފާން ކޮންޓްރޯވި ނަމަވެސް ތެޔޮ ބޯޓުގައި މަސައްކަތްކުރާ ބިދޭސީއަކު ފިހިގެން މިހާރު ދަނީ ހޮސްޕިޓަލުގައި ފަރުވާ ދެމުންނެވެ. އެމީހާއަށް ލިބުނު ގެއްލުންތަކުގެ ތަފްސީލެއް އަދި ނުލިބެ އެވެ.

މިއަދު ހެނދުނު ގާތްގަނޑަކަށް 9:30 ހާއިރު ހިނގި މި އަލިފާނުގެ ހާދިސާގައި އެ ބޯޓުގެ އިތުރުން ދެ ދޯންޏަކަށާއި ދެ ޑިންގީއަށް އެކިވަރުގެ ގެއްލުންތައް ލިބިފައިވެ އެވެ. 

އަދި އެ ސަރަހައްދުގައި ހުރި އައިސްޕްލާންޓުގައި އަލިފާން ހިފައި، އެތަން ވަނީ އަނދާ ހުލިވެފަ އެވެ.

އޭގެ އިތުރުން، އެސަރަހައްދުގައި ހުރި ފިއުލް ޝެޑަށް އަލިފާނުގެ އަސަރުކޮށް، ޑިސްޕެންސަރާއި ޝެޑުގެ ބައެއް ބައިތަކުގައި އަލިފާން ރޯވެފައިވާ ކަމަށް ފުލުހުން ބުނެފައިވެއެވެ.

އެމްއެންޑީއެފުން ބުނީ މިއަދު ގާތްގަނޑަކަށް 10:35 ހާއިރު އަލިފާން ނިއްވާލެވިފައިވާ ކަމަށެވެ.