ވަތަނީ ހިދުމަތުގެ ޕްރޮގްރާމުގައި ބައިވެރިވުމުގެ މުއްދަތު އިތުރުކޮށްފި

ދިވެހި ވަތަނީ ހިދުމަތުގެ ތިންވަނަ ޕްރޮގްރާމުގައި ބައިވެރިވުމަށް ހުޅުވައިލި މުއްދަތު އިތުރު ކޮށްފި އެވެ.

ޑިފެންސް މިނިސްޓްރީން މި ޕްރޮގްރާމުގެ ތިންވަނަ ބުރުގައި ބައިވެރިވާން ހުޅުވައިލީ މިދިޔަ މާޗް މަހުގެ 10 ވަނަ ދުވަހުން ފެށިގެން މިމަހުގެ ފަސްވަނަ ދުވަހުގެ 2:00 އަށެވެ. ނަމަވެސް މިހާރު އެ މުއްދަތު ވަނީ މާދަމާގެ 2:00 އަށް އިތުރުކޮށްފަ އެވެ.

މި ޕްރޮގްރާމުގައި ބައިވެރިވެވޭނީ އުމުރުން 16 އަހަރާއި 28 އަހަރާ ދެމެދުގެ ޒުވާނުންނަށެވެ. އަދި 18 އަހަރު ނުފުރޭ ކުދިންނަށް ބައިވެރިވެވޭނީ ބެލެނިވެރިޔާގެ އިއުތިރާޒެއް ނެތް ކަމުގައިވާނަމަ އެވެ.

މި ޕްރޮގްރާމުގައި ބައިވެރިވުމުގެ ފުރުސަތު ލިބޭ ކޮންމެ މީހަކަށ،ް އެ ހިދުމަތާ ގުޅޭ ދުވަހުން ފެށިގެން އެލަވަންސެއް ދޭނެ އެވެ. އަދި ޓްރޭނިން ފުރިހަމަ ކުރުމަށްފަހު ފަންނީ ތަމްރީނާއި ވަޒީފާގެ ފުރުސަތުވެސް ފަހިކޮށްދޭނެ އެވެ.

ތިން މަސް ދުވަހަށް މި ޕްރޮގްރާމު ހިންގާނީ ޅ. މާފިލާފުށީގައި ހުންނަ އެމްއެންޑީއެފްގެ ޓްރެއިނިން ސެންޓަރުގަ އެވެ.