މާލޭގެ ދަތުރުފަތުރަށް އިންގިލާބީ ބަދަލެއް | ސަރުކާރުގެ ޓެކްސީ ލައިންގެ ހިދުމަތް ފަށައިފި
ޓެކްސީގެ ހިދުމަތް ފަށާފައިވަނީ ތިމާވެއްޓާ ރަހުމަތްތެރި އިލެކްޓްރިކް ވެހިކަލްސް ބޭނުންކޮށްގެންނެވެ.
އެމްޓީސީސީން އޮޕަރޭޓްކުރާ "މާލެ ޓެކްސީ"ގެ ހިދުމަތް ފައްޓަވައި ދެއްވީ، ހުޅުމާލޭ ސެންޓްރަލް ޕާކުގައި މިރޭ ބޭއްވި ރަސްމިއްޔާތުގައި ރައީސް ޑރ. މުހައްމަދު މުއިއްޒު އެވެ.
އެ ރަސްމިއްޔާތުގައި އެމްޓީސީސީގެ ސީއީއޯ އަހުމަދު ސައުދީ ވިދާޅުވީ، 150 ކާރާ އެކު ފެށި ހިދުމަތުން ދަތުރުފަތުރުގެ ނިޒާމަށް އިންގިލާބީ ބަދަލެއް އަންނާނެ ކަމަށެވެ.
ޓެކްސީގެ ހިދުމަތް ފަށާފައިވަނީ ތިމާވެއްޓާ ރަހުމަތްތެރި އިލެކްޓްރިކް ވެހިކަލްސް ބޭނުންކޮށްގެންނެވެ.
ޓެކްސީ ލައިނުގައި ތަފާތު ތިން ސައިޒެއްގެ ކާރު ހިމެނޭނެ އެވެ. އޭގެތެރޭގައި މާލޭގެ ހަނި މަގުތަކަށް ހާއްސަކޮށް ފަރުމާކޮށްފައިވާ ކުދި ސައިޒުގެ ކާރުތައް ވެސް ހިމެނެ އެވެ.
ސަރުކާރުން ކަނޑައަޅާފައިވާ ހާއްސަ އަގުތަކުގައި އޮޕަރޭޓުކުރާ މި ޓެކްސީ ލައިނުގެ ޓެކްސީ ބުކް ކުރުމަށް ފުރަތަމަ ހަމަޖެހިފައިވަނީ މިކަމަށް ހާއްސަކޮށް އުފައްދާފައިވާ ވެބް އެޕްލިކޭޝަނެއް މެދުވެރިކޮށް ކަމަށް އެމްޓީސީސީން ބުންޏެވެ.
ކޮމެންޓް
Republic of Maldives