ސްޓެލްކޯގެ ރަށްރަށުގެ ހިދުމަތްތައް ބަލަވާލައްވަން ޑރ. އަޒްވަރު ގިނަ ރަށްތަކަށް
ސްޓެލްކޯ ހިންގެވުމާ ވަގުތީ ގޮތުން ހަވާލުވެ ހުންނެވ ޑެޕިއުޓީ މެނޭޖިން ޑިރެކްޓަރު ޑރ. އަލީ އަޒުވަރަކީ އުމުރުން 20 އަހަރުން ފެށިގެން އެ ކުންފުނީގައި މަސައްކަތް ކުރައްވަމުން ގެންދަވާ ހިދުމަތްތެރިއެކެވެ.
ރާއްޖޭގެ ގިނަ ރަށްތަކާއި ވެރިރަށް މާލެއަށް ކަރަންޓުދޭ ކުންފުނި، ސްޓެލްކޯގެ ހިންގުމާ ހަވާލު ހުންނެވި ޑރ. އަލީ އަޒްވަރު ހިދުމަތްދޭ ރަށްރަށުގެ ހާލަތު ބަލަހަން ގިނަ ރަށްތަކަށް ޒިޔާރަތް ކުރައްވައިފި އެވެ.
ސްޓެލްކޯ ހިންގެވުމާ ހަވާލުވެ ހުންނެވި ޑެޕިއުޓީ މެނޭޖިން ޑިރެކްޓަރު ޑރ. އަޒްވަރާއި، ބޯޑުގެ ޗެއާމަން މުހައްމަދު ލަތީފްގެ އިތުރުން ކުންފުނީގެ އިސްވެރިން އެންމެ ފަހުން ވަޑައިގަތީ އދ. އޮމަދޫއަށެވެ.
މި ޒިޔާރަތުގައި ވަނީ އެ ރަށުގައި ފޯރުކޮށްދޭ ޚިދުމަތްތަކުގެ އިންތިޒާމުތައް ބައްލަވާލައްވާފަ އެވެ. އަދި މި ޒިޔާރަތުގައި އޮމަދޫގައި މަސައްކަތްކުރާ މުވައްޒަފުންނާ ބައްދަލުކުރައްވައި، ޚިދުމަތުގެ ފެންވަރު އިތުރަށް ރަނގަޅުކުރުމަށް ކުރެވިދާނެ ކަންކަމާއި، މަސައްކަތުގައި ކުރިމަތިވާ ގޮންޖެހުންތަކާ ގުޅޭގޮތުން ވަނީ ފުޅާ ދާއިރާއެއްގައި މަޝްވަރާކުރައްވާފައިވެ އެވެ.
މީގެ އިތުރުން އޭގެ ކުރިން ވަޑައިގެންވެނީ އދ. ފެންފުއްޓަށެވެ. އަދި އެއަތޮޅު މަންދޫ އާއި ދިއްދޫ އަދި ދިގުރަށުގެ އިތުރުން ދަނގެއްޗަށް ވެސް މިހާތަނަށް ވަނީ ޒިޔާރަތް ކުރައްވާފަ އެވެ.
ސްޓެލްކޯ ހިންގެވުމާ ވަގުތީ ގޮތުން ހަވާލުވެ ހުންނެވ ޑެޕިއުޓީ މެނޭޖިން ޑިރެކްޓަރު ޑރ. އަލީ އަޒުވަރަކީ އުމުރުން 20 އަހަރުން ފެށިގެން އެ ކުންފުނީގައި މަސައްކަތް ކުރައްވަމުން ގެންދަވާ ހިދުމަތްތެރިއެކެވެ. އަޒްވަރު ވަނީ ސްޓެލްކޯއަކީ 2008 ވަނަ އަހަރާހަމައަށް ވެސް ގެއްލުންވާ ކުންފުންޏެއްގެ ގޮތުގައި ސްޓެލްކޯ އޮތް އޮތުމަށް ބަދަލު ގެނައުމަށްޓަކައި ބޯޑު މެމްބަރެއްގެ ހައިސިއްޔަތުން ފާހަގަ ކޮށްލެވޭ ގިނަ މަސައްކަތްތަކެއް ކުރައްވާފަ އެވެ.
ކޮމެންޓް
Republic of Maldives