އިންތިހާބުތައް އެއްދުވަހެއްގައި ބޭއްވުމުން ނުފޫޒު ފޯރުވުން ކުޑަވާނެ : ޝާހީން
ގާނޫނުއަސާސީ އެކުލަވާލި ހާއްސަ މަޖުލީހުގެ ނާއިބު ރައީސްކަން ކުރެއްވި ޝާހީން މިއަދު ބޭއްވި ޕެނަލް ޑިސްކަޝަންގައި ވިދާޅުވި ގޮތުގައި މަޖިލީހުގެ އިންތިހާބާއި ރިޔާސީ އިންތިހާބު އެކުގައި ބޭއްވުމުން އޭގެ ނަތީޖާ ރަނގަޅުވާނެ އެވެ.
ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއް ދުވަހެއްގައި ބޭއްވުމުން އިންތިހާބަށް ނުފޫޒާޢި ބާރު ފޯރުވުން ކުޑަވާނެކަމަށް ގަބޫލުކުރައްވާކަމަށް މަޝްހޫރު ލޯޔަރު ޝާހިީީން ހަމީދު ވިދާޅުވެއްޖެ އެވެ.
ގާނޫނުއަސާސީ އެކުލަވާލި ހާއްސަ މަޖުލީހުގެ ނާއިބު ރައީސްކަން ކުރެއްވި ޝާހީން މިއަދު ބޭއްވި ޕެނަލް ޑިސްކަޝަންގައި ވިދާޅުވި ގޮތުގައި މަޖިލީހުގެ އިންތިހާބާއި ރިޔާސީ އިންތިހާބު އެކުގައި ބޭއްވުމުން އޭގެ ނަތީޖާ ރަނގަޅުވާނެ އެވެ.
ރިޔާސީ އިންތިހާބަށްފަހު މަޖިލީހުގެ އިންތިހާބާއި ދެމެދު މިއޮންނަ 6 މަސްދުވަހުގެ ތެރޭގައި ކަންކަން ހިނގާ ގޮތްތަކަަށް ބަލާއިރު، އެ މުއްދަތު ނެތިއްޔާ ދެން ނުކުންނަ ނަތިީޖާ ކިހިނެއްތޯ ވަނީ. އަޅުގަނޑަށް ފެންނަ ގޮތުގައި އޭގެ ނަތީޖާ ރަނގަޅުވެގެންދާނެކަމަަށް ފެންނަނީ،" ޝާހީން ވިދާޅުވި އެވެ.
ޝާހީން އިތުރަށް ވިދާޅުވި ގޮތުގައި ދެ އިންތިޚާބު އެއްކޮށް ބޭއްވުމުން ރައްޔިތުންނަށް ލިބިފައިވާ އިންތިހާބީ އެއްވެސް ހައްގަކަށް އުނިކަމެއް ނާންނާނެ އެވެ. އަދި ސަރުކާރު ޖަވާބުދާރީކޮށް، ފާރަވެރިވުމުގެ ނިޒާމަށް ވެސް މި އިސްލާހުގެ ސަބަބުން ބަދަލެއް އަންނާނެކަން ޝާހީން ފާހަގަ ކުރެއްވި އެވެ.
ކޮމެންޓް
Republic of Maldives