ލަންކާގެ އެއާޕޯޓަށް މެދުއިރުމަތީގެ އެއާލައިންތަކުން ޝައުވެރިނުވާކަމަށް ބުނެފި
ލަންކާގެ ސިވިލް އޭވިއޭޝަން ޑެޕިއުޓީ މިނިސްޓަރު ޖަނިތަ ރުވަން ކޮޑިތުުވަކްކު ވިދާޅުވި ގޮތުގައި، އެ ގައުމުގެ ސިވިލް އޭވިއޭޝަން އޮތޯރިޓީ އިން ގަލްފުގެ އެއާލައިންތަކަށް އެއާޕޯޓު ބޭނުންކުރުމަށް ދައުވަތު އެރުވި ނަމަވެސް އެކަމެއް ނުވި ދެވެ.
ސްރީލަންކާގައި ޗައިނާގެ އެހީގައި ބިނާކޮށްފައިވާ "ދުނިޔޭގެ އެންމެ ފަޅު އެއާޕޯޓުގެ" ނަން ލިބިފައިވާ މައްތަލަ ރާޖަޕަކްސަ އިންޓަނޭޝަނަލް އެއާޕޯޓް ބޭނުންކުރުމަށް ގަލްފުގެ ބޮޑެތި އެއާލައިންތަކުން ދެކޮޅު ހަދައިފި އެވެ.
ލަންކާގެ ސިވިލް އޭވިއޭޝަން ޑެޕިއުޓީ މިނިސްޓަރު ޖަނިތަ ރުވަން ކޮޑިތުުވަކްކު ވިދާޅުވި ގޮތުގައި، އެ ގައުމުގެ ސިވިލް އޭވިއޭޝަން އޮތޯރިޓީ އިން ގަލްފުގެ އެއާލައިންތަކަށް އެއާޕޯޓު ބޭނުންކުރުމަށް ދައުވަތު އެރުވި ނަމަވެސް، މިހާތަނަށް އެއްވެސް އެއާލައިނަކުން އެކަމަށް އިޖާބަދީފައެއް ނުވެ އެވެ.
ނަމަވެސް ކުރިން އެކަންވޭތީ ސްރީލަންކާގެ މީޑިއާއިން ވަނީ އެފަދަ ޕޮޒިޓިވް ނިއުސްތައް ވައިރަލްކޮށްފަ އެވެ.
އެ ގައުމުގެ ޑެޕިއުޓީ މިނިސްޓަރު ފާހަގަކުރެއްވި ގޮތުގައި މި އެއާލައިންތަކުން ޝައުގުވެރިކަން ފާޅުނުކުރަނީ މައްތަލަ އެއާޕޯޓުގެ ކެޕޭސިޓީ ކުޑަވުމުންނެވެ.ބޮޑެތި އެއާލައިންތަކުގެ މުޅި އޮޕަރޭޝަން މައްތަލައަށް ބަދަލުކުރުމަކީ ފަސޭހަކަމެއް ނޫނެވެ. އެއާޕޯޓުގެ އަހަރީ ކެޕޭސިޓީއަކީ އެންމެ އެއް މިލިއަން ފަސިންޖަރުންނެވެ.
ލަންކާ ސަރުކާރުން ވަނީ ތެޔޮ އެޅުމަށާއި ޓްރާންސިޓް ކުރުމަށް އެއާޕޯޓު ބޭނުންކުރާ ނަމަ، ލޭންޑިން އަދި ޕާކިން ފީ ހިލޭ ދިނުމަށްވެސް ހުށަހަޅާފައެވެ. ނަމަވެސް އެއާލައިންތަކުން އެ ހުށަހެޅުންތަކަށް ހަމައެކަނި ޝުކުރު އަދާކުރުން ފިޔަވައި އިތުރު ފިޔަވަޅެއް އަޅާފައެއް ނުވެ އެވެ.
ކޮމެންޓް
Republic of Maldives