ހަ އަހަރުގެ ކުއްޖާ މަރުވި މައްސަލަ ކަމާބެހޭ އިދާރާތަކުން ބަލަން ފަށައިފި
ސްޕެސްޓިކް ކްވޮޑްރުޕްލީޖިކް ސެރަބަލް ޕަލްސީއަށް ފަރުވާ ހޯދަމުން ދިޔަ އެ ކުޑަ ފިރިހެން ކުއްޖާ މަރުވީ ކާން ދިނުމަށް ބޭނުންކުރާ ޕީއީޖީ ޓިއުބު ބަދަލު ކުރަން ޖެހި، އެ ޓިއުބް ނުލިބި ލަސްވެގެންނެވެ.
އުމުރުން ހަ އަހަރުގެ ކުއްޖަކަށް ބޭނުންވާ ފީޑިން ޓިއުބެއް ނުލިބިގެން މަރުވި މައްސަލަ ހެލްތު މިނިސްޓްރީންނާއި ކަމާބެހޭ އިދާރާތަކުން ބަލަން ފަށައިފި އެވެ.
ސްޕެސްޓިކް ކްވޮޑްރުޕްލީޖިކް ސެރަބަލް ޕަލްސީއަށް ފަރުވާ ހޯދަމުން ދިޔަ އެ ކުޑަ ފިރިހެން ކުއްޖާ މަރުވީ ކާން ދިނުމަށް ބޭނުންކުރާ ޕީއީޖީ ޓިއުބު ބަދަލު ކުރަން ޖެހި، އެ ޓިއުބް ނުލިބި ލަސްވެގެންނެވެ.
އެ ހޮޅިކޮޅު އެސްޓީއޯ މެދުވެރިކޮށް ގެންނަން އާސަންދައިގައި އެދިގެން އަށް މަސްވިއިރު ވެސް ނުލިބުނު އެކުއްޖާގެ އާއިލާއިން ބުނެފައިވެ އެވެ.
އެއަށްފަހު، އައިޖީއެމްއެޗް މެދުވެރިކޮށް އެ ހޮޅިކޮޅު މިދިޔަ އާދީއްތަ ދުވަހު ލިބުނު ނަމަވެސް، އޭރު އެކުއްޖާ އޮތީ ހޮޅި ގުޅޭ ވަރަށްވުރެ ހާލު ދެރަވެފަ އެވެ. އެ ކުއްޖާ ނިޔާވީ އިއްޔެ ހޮސްޕިޓަލުގައި ފަރުވާ ދެމުން ދަނިކޮށެވެ.
އެކުއްޖާގެ މަރާ ގުޅިގެން އެންސްޕާ އާއި އެސްޓީއޯއިން ޖަވާބުދާރީވާން ޖެހޭނެ ކަމަށާއި އެކަމުގެ ޒިންމާ ނަގަން ޖެހޭނެ ކަމަށް ގިނަ ބަޔަކު ބުނަމުން ދަނިކޮށް، ހެލްތު މިނިސްޓްރީން މިއަދު ވަނީ އެ މައްސަލަ ބަލަމުންދާ ކަމަށް ބުނެފަ އެވެ.
އަދި ހިއުމަން ރައިޓްސް ކޮމިޝަން (އެޗްއާރްސީއެމް) އިން ވެސް އެ މައްސަލަ ބަލަމުންދާ ކަމަށް ބުނެފައިވެ އެވެ.
ކޮމެންޓް
Republic of Maldives