ހަނގުރާމައިގެ ސަބަބުން އިމާރާތްކުރުމުގެ ދާއިރާއަށް ކުރިމަތިވާނެ ދަތިތަކާމެދު މަސީގެ ކަންބޮޑުވުން

މެދުއިރުމަތީގައި މިހާރު ކުރަމުންދާ ހަނގުރާމައިގެ ސަބަބުން ރާއްޖޭގެ އިމާރާތްކުރުމުގެ ސިނާއަތަށް ކުރިމަތިވެދާނެ ނޭދެވޭ އަސަރުތަކާ މެދު މޯލްޑިވްސް ނޭޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ)އިން ކަންބޮޑުވުން ފާޅުކޮށްފި އެވެ.

މަސީން ނެރުނު ބަޔާނެއްގައި ބުނީ، ދުނިޔޭގެ ބާޒާރުގައި ތެލާއި ޕެޓްރޯކެމިކަލްގެ އަގުތަކަށް އަންނަ ބަދަލުތަކާ ގުޅިގެން، އިމާރާތްކުރުމަށް ބޭނުންވާ ތަކެއްޗާއ،ި އުފުލުމުގެ ހަރަދުތަކާއި ލޮޖިސްޓިކްސްގެ އަގުތައް މިހާރުވެސް އުފުލެމުންދާ ކަމަށެވެ.

މި ބަދަލުތަކުގެ ސަބަބުން ރާއްޖޭގައި މިހާރު ކުރިއަށްދާ އަދި ކުރިއަށް އޮތް މަޝްރޫއުތަކަށް އިތުރު ގޮންޖެހުންތަކެއް ކުރިމަތިވާނެ ކަމަށް ބެލެވޭކަމަށް މަސީން ބުންޏެވެ. 

މިކަމާ ގުޅިގެން، އިމާރާތްކުރުމުގެ ސިނާއަތަށް ކުރާނެ އަސަރު ކުޑަކުރުމަށްޓަކައި ސަރުކާރާއި ކަމާބެހޭ ފަރާތްތަކާ ގުޅިގެން މަސައްކަތް ކުރުމަށްޓަކައި މަސީގެ ހިންގާ ކޮމިޓީގެ ކުއްލި ޖަލްސާއެއް ބާއްވައި ހާއްސަ ކޮމިޓީއެއް އެކުލަވާލާފައިވާ ކަމަށް ބަޔާނުގައި ބުންޏެވެ.

"މި ކޮމިޓީގެ މައިގަނޑު މަގުސަދަކީ މި ހާލަތުން އަރައިގަތުމަށް އަމަލީ ގޮތުން ކުރެވިދާނެ ކަންކަން ދެނެގަނެ، މި ދާއިރާއަށް ބޭނުންވާ އެހީތެރިކަމާއި، ލޯނު ދެއްކުން ފަސްކޮށް ދިނުން ފަދަ ލުއިތައް ފޯރުކޮށްދިނުމަށް ލަފާދިނުމާއެކު މިކަންކަމަށް މަގުފަހި ކުރުމަށް ސަރުކާރާއެކު މަސައްކަތް ކުރުމެވެ."

އެ މަސައްކަތް ކޮމިޓީން ކުރަމުންދާއިރު، އިމާރާތް ކުރުމުގެ ދާއިރާގައި ހަރަކާތްތެރިވާ ފަރާތްތަކުން ތިރީގައިވާ ކަންކަމަށް ސަމާލުކަން ދިނުމަށް މަސީން ވަނީ އިލްތިމާސްކޮށްފަ އެވެ.

މި ދަތި ދަނޑިވަޅުގައި އިމާރާތްކުރުމުގެ ސިނާއަތުގެ ހަމަޖެހުމާއި ދެމެހެއްޓެނިވިކަން ކަށަވަރުކުރުމުގެ މަސައްކަތުގައި ދެމިއޮންނާނޭ ކަމުގެ ޔަގީންކަން އެ ބަޔާނުގައި މަސީން ވަނީ ދީފަ އެވެ.