ތިން މީހެއްގެ ހަށިގަނޑު ގައުމަށް ފޮނުވާލައިފި
ފުލުހުން ބުނި ގޮތުގައިތިން މީހެއްގެ ހަށިގަނޑު ވަނީ ގައުމަށް ފޮނުވާފަ އެވެ. އެއީ އިންޑިއާ ތިން މީހެއްގެ ހަށިގަނޑެވެ. އެހެން މީހުންގެ ހަށިގަނޑުތައްވެސް ބޭރަށް ފޮނުވުމުގެ މަސައްކަތް ކުރަމުންދާނެ އެވެ.
މިދިޔަ ބުދަ ދުވަހުގެ ރޭ ހިނގި އަލިފާނުގެ ހާދިސާގައި މަރުވި މީހުންގެ ތެރެއިން ތިން މީހެއްގެ ހަށިގަނޑު އެ މީހުންގެ ގައުމަށް ފޮނުވާލާފައިވާ ކަމަށް ދިވެހި ފުލުހުންގެ ހިދުމަތުން ބުނެފި އެވެ.
ރާއްޖޭގެ ތާރީހުގައި ހިނގި އަލިފާނުގެ އެންމެ ބިރުވެރި / ހިތާމަވެރި ހާދިސާގައި އަނދައިގެން މަރުވެފައިވާ މީހުންގެ ހަށިގަނޑުތައް ފެނުނީ މ. ނިރުފެހީގޭގައި ރޯވި އަލިފާންގަނޑު ކޮންޓްރޯލް ކުރުމަށް ފަހު ސިފައިން އިމާރާތަށް ވަދެ ހޯދަނިކޮށެވެ. އެ މީހުންގެ ހަށިގަނޑުތައް އިމާރާތުގެ ތެރެއިން ފެނުނުއިރު ވަރަށް ބޮޑަށް ވަނީ އަނދާފައެވެ. އެހެން ކަމުން އެއީ ކޮން ބައެއްކަން ދެނެގަންނަން ފަސޭހައެއް ނުވިއެވެ.
ބައެއް މީހުން ވަނީ ސިފަ ވަކި ނުކުރެވޭ ވަރަށް / ޖިންސު ނޭންގޭ މިންވަރަށް އަނދާފައެވެ.
މަރުވި މީހުންގެ ތެރޭގައި ހިމެނެނީ ހަތަރު އަންހެނުންނާއި ހަ ފިރިހެނުން ކަމަށެވެ. އޭގެ ތެރޭގައި ހިމެނެނީ އިންޑިއާގެ ތިން އަންހެނަކާއި ބަންގްލަދޭޝްގެ އަންހެނެކެވެ. އަދި އިންޑިއާއަށް ނިސްބަތްވާ ފަސް ފިރިހެނަކާއި ބަންގްލަދޭޝް ފިރިހެނެކެވެ. އެ މީހުންގެ ހަށިގަނޑުތައް ހުރީ ގަލޮޅު މޯޗަރީގައެވެ.
ފުލުހުން ކުރީން ވަނީ ރުވި މީހުންގެ ތެރެއިން އެ މީހުންގެ އާއިލާއިން ހަށިގަނޑު ގައުމަކަށް ގެންދަން ބޭނުންވާނަމަ އެ މީހުންގެ ހަށިގަނޑު ގައުމަށް ގެންދެވޭނެ އިންތިޒާމު ހަމަޖައްސައިދޭނެ ކަމަށް ބުނެފައެވެ. މިއަދު އޮތް ނޫސްވެރީންގެ ބައްދަލްވުމުގައި ފުލުހުން ބުނީ މިހާތަނަށް ތިން މީހެއްގެ ހަށިގަނޑު ބޭރަށް ފޮނުވާފައިވާ ކަމަށެވެ. އެއީ އިންޑިއާ ތިން މީހެއްގެ ހަށިގަނޑެކެވެ. އަދި އެހެން މީހުންގެ ހަށިގަނޑުތައްވެސް ބޭރަށް ފޮނުވުމުގެ މަސައްކަތް ކުރަމުންދާނެ ކަމަށް ވަނީ ބުނެފައެވެ.
ކޮމެންޓް
Republic of Maldives