ހަތަރު މަދު ބޮންއެޅިޔަސް އީރާނުގެ ސަރުކާރު ބަދަލުވުމުގެ ނިޝާނެއް ނެތް : ސީއައިއޭ

އެމެރިކާ އާއި އިޒްރޭލުން އީރާނަށް މެދުކެނޑުމެއްނެތި ހަތަރުދަމު ދެމުންދާ ވަރުގަދަ ވައިގެ ހަމަލާތަކަށް ދެ ހަފްތާ ވެފައިވާއިރު، އީރާނުގެ ވެރިކަން ވެއްޓިދާނެ ފަދަ އެއްވެސް ނިޝާނެއް ފެންނަން ނެތް ކަމަށް އެމެރިކާގެ ޖާސޫސީ އިދާރާ ތަކުން ބުނެފި އެވެ.

ރޮއިޓާސް އިން ރިޕޯޓުކޮށްފައިވާ ގޮތުގައި އެމެރިކާގެ އިންޓެލިޖެންސް ރިޕޯޓުތަކުން ދައްކަނީ އީރާނުގެ ރޫހީ މުދައްބިރު އާޔަތުﷲ އަލީ ޚާމަނާއީ މިދިޔަ ފެބްރުއަރީ މަހުގެ 28 ވަނަ ދުވަހު އަވަހާރަވި ނަމަވެސް އެ ގައުމުގެ ދީނީ އަދި އަސްކަރީ ލީޑަޝިޕް އަދި ވެސް އޮތީ ބަދަހިކޮށް ކަމެވެ.

އެމެރިކާގެ އޮފިޝަލުންނާ ހަވާލާދީ ރޮއިޓާސްއިން ބުނި ގޮތުގައި އީރާނުގެ ރައްޔިތުންގެ މައްޗަށް އޮތް ކޮންޓްރޯލް އެ ގައުމުގެ ސަރުކާރަށް އަދިވެސް އެބައޮތެވެ. އަދި ޚާމަނާއީގެ މަގާމަށް އޭނާގެ ދަރިކަލުން މުޖުތަބާ ޚާމަނާއީ އައްޔަންކޮށް ސަރުކާރު ހިންގުމުގެ ކަންކަން ވަނީ ތަރުތީބުކޮށްފަ އެވެ. 

އިޒްރޭލުގެ އިސް އޮފިޝަލަކު ވެސް ވަނީ މި ހަނގުރާމައިގެ ސަބަބުން އީރާނުގެ ދީނީ ސަރުކާރު ވެއްޓޭނެ ކަމުގެ އެއްވެސް ޔަގީންކަމެއް ނެތް ކަމަށް އެއްބަސްވެފައެވެ.