މިފްކޯ އިން ޖަޕާނު މާކެޓަށް ވިޔަފާރި ފުޅާކުރަން ޖެޓްރޯ އާ މަޝްވަރާ ކޮށްފި
އެއީ ދުނިޔޭގެ މުހިންމު މާކެޓުތަކުގައި މިފްކޯގެ އުފެއްދުންތަކަށް އޮތް ފުރުސަތުތައް ފުޅާކުރުމަށާއި ކުންފުނީގެ ވިޔަފާރި ފުޅާކުރުމަށް އެ ކުންފުނިން ކުރަމުން އަންނަ މަސައްކަތުގެ ބައެއް ކަމަށް މިފްކޯ އިން ބުންޏެވެ.
ޖަޕާނު މާކެޓަށް ވިޔަފާރި ފުޅާ ކުރަން މިފްކޯ އިން ޖަޕާނު ސަރުކާރުގެ އިދާރާއެއް ކަމުގައިވާ ޖަޕާން އެކްސްޓާނަލް ޓްރޭޑް އޯގަނައިޒޭޝަން (ޖެޓްރޯ) އާއެކު މަޝްވަރާކޮށްފި އެވެ.
އެ މަޝްވަރާ ބައްދަލުވުން އޮތީ މިފްކޯއިން ޖަޕާނުގެ ޓޯކިޔޯއަށް މިހާރު ކުރަމުންދާ ޒިޔާރަތުގެ ތެރެއިން ޓޯކިޔޯގައި ހުންނަ ޖެޓްރޯގެ މައި އިދާރާގަ އެވެ.
މިފްކޯ އިން ބުނީ އެ ބައްދަލުވުމުގައި ޖަޕާނު މާކެޓުގައި މިފްކޯގެ ވިޔަފާރީގެ ފުރުސަތުތައް ފުޅާކުރުމާއި އެކަމުގައި ޖެޓްރޯއަށް އެހީތެރިކަން ދެވިދާނެ ގޮތްތަކާ ގުޅޭގޮތުން މަޝްވަރާ ކުރި ކަމަށެވެ.
އެއީ ދުނިޔޭގެ މުހިންމު މާކެޓުތަކުގައި މިފްކޯގެ އުފެއްދުންތަކަށް އޮތް ފުރުސަތުތައް ފުޅާކުރުމަށާއި ކުންފުނީގެ ވިޔަފާރި ފުޅާކުރުމަށް އެ ކުންފުނިން ކުރަމުން އަންނަ މަސައްކަތުގެ ބައެއް ކަމަށް މިފްކޯ އިން ބުންޏެވެ.
މި ބައްދަލުވުމުގައި މިފްކޯގެ ފަރާތުން ބައިވެރިވެވަޑައިގަތީ ސްޓްރެޓެޖިކް ކޮންސަލްޓެންޓް އާތިފް ޝަކޫރާއި ކޯޕަރޭޓް އެފެއާޒް ޖެނެރަލް މެނޭޖާ އާމިނަތު ސަނިއްޔާ ޝަރީފެވެ.
މި މަޝްވަރާގައި ޖަޕާނުގައި ހުންނަ ރާއްޖޭގެ އެމްބަސީ ހިންގުމާ ހަވާލުވެޑައިގެން ހުންނެވި ޑެޕިޔުޓީ އެމްބެސެޑާ އަހުމަދު އާދިލާއި އެމްބަސީގެ ސެކަންޑް ސެކްރެޓަރީ ހައްވާ ސަމްހާ ވެސް ބައިވެރިވެވަޑައިގަތެވެ.
ކޮމެންޓް
Republic of Maldives