ގެއްލިގެން ހޯދި ނޫރާ އަމިއްލައަށް ގެއަށް ގޮސްފި

ރެއިން ފެށިގެން ގެއްލިގެން ހޯދަމުން ދިޔަ ޅ. ނައިފަރު، ކަށިމާގެ، ފާތިމަތު ނޫރާ 32، އަމިއްލައަށް ގެއަށް ހިނގައްޖެ އެވެ.

ނޫރާ ގެއްލިގެން ފުލުހުން އިއުލާނުކޮށްފައި ވަނީ ރޭ 20:00 އެހައިކަންހާއިރު ގެއިން ނުކުމެގެން ދިޔަ ގޮތަށް އާއިލާއަށް ހަބަރެއް ނުވެގެންނެވެ.

ނޫރާގެ ދައްތަ ފޭސްބުކްގައި ކުރި ޕޯސްޓެއްގައި ބުނެފައި ވަނީ އޭނާއަކީ ފިޓު ޖެހޭ، ސިކުނޑީގައި މައްސަލަ ހުންނަ މީހެއް ކަމަށެވެ. އަދި ރޭ ގެއިން ނުކުމެގެން ދިޔައީ ރުޅިއައިސްގެން "މިދަނީ މަރުވާން" ކަމަށް ބުނުމަށްފަހުގައި ކަމަށެވެ.

ނޫރާ ހޯދަން އިއުލާނު ކުރި ފަހުން މިއަދު 11:20 އެހައިކަންހާއިރުގެއަށް ގޮސްފައިވާ ކަމަށާއި އޭނާގެ ހާލު ރަނގަޅުކަމަށް އާއިލާއިން މައުލޫމާތު ދީފައިވާ ކަމަށް ފުލުހުން ބުންޏެވެ.