އެމެރިކާ ގޮސްހުސްވެ އީރާނު ވެރިކަން ވައްޓާލަން ކުރުދީނަށް އެހީވަނީ
ސީއެންއެން އިން ރިޕޯޓްކޮށްފައިވާ ގޮތުގައި، ރައީސް ޑޮނަލްޑް ޓްރަމްޕްގެ ސަރުކާރުން މިހާރު ދަނީ އިރާގުގައި ތިބި އީރާނުގެ އިދިކޮޅު ކުރުދީ ލީޑަރުންނާ ބައްދަލުކޮށް، އަސްކަރީ އެހީތެރިކަން ފޯރުކޮށްދިނުމާ ގުޅޭގޮތުން މަޝްވަރާ ކުރަމުންނެވެ.
އީރާނުގެ މިހާރުގެ ސަރުކާރާ ދެކޮޅަށް ރައްޔިތުން ނުނިކުތުމުން އެގައުމުގެ އިދިކޮޅު ކުރުދީން ހަނގުރާމަވެރި ޖަމާއަތްތަކަށް ހަތިޔާރު ފޯރުކޮށްދީގެން ވެރިކަން ވައްޓާލުމުގެ މަސައްކަތް ސެންޓްރަލް އިންޓެލިޖެންސް އެޖެންސީ (ސީއައިއޭ) އިން ފަށައިފި އެވެ.
ސީއެންއެން އިން ރިޕޯޓްކޮށްފައިވާ ގޮތުގައި، ރައީސް ޑޮނަލްޑް ޓްރަމްޕްގެ ސަރުކާރުން މިހާރު ދަނީ އިރާގުގައި ތިބި އީރާނުގެ އިދިކޮޅު ކުރުދީން ލީޑަރުންނާ ބައްދަލުކޮށް، އަސްކަރީ އެހީތެރިކަން ފޯރުކޮށްދިނުމާ ގުޅޭގޮތުން މަޝްވަރާ ކުރަމުންނެވެ.
އިރާނާއި އިރާގު ގުޅޭ ބޯޑަރު ސަރަހައްދުގައި ހަރަކާތްތެރިވާ ކުރުދީން ހަނގުރާމަވެރިންގެ އަދަދު ހާހުން ގުނާލެވޭއިރު، މީގެ ތެރެއިން ބައެއް ޖަމާއަތްތަކުން ވަނީ އީރާނުގެ އަސްކަރިއްޔާއާ ދެކޮޅަށް ނުކުތުމަށް ތައްޔާރުވަމުންދާކަމުގެ އިޝާރާތެއް ދީފަ އެވެ. މިކަމާ ގުޅިގެން އީރާނުގެ އިސްލާމިކް ރިވަލޫޝަނަރީ ގާޑް ކޯޕްސް (އައިއާރުޖީސީ) އިން ދަނީ ކުރުދީ މަރުކަޒުތަކަށް ޑްރޯން ހަމަލާތައް ދެމުންނެވެ.
މިދިޔަ އަންގާރަ ދުވަހު ރައީސް ޓްރަމްޕް ވަނީ ޑިމޮކްރެޓިކް ޕާޓީ އޮފް އިރާނިއަން ކުރުދިސްތާން (ކޭޑީޕީއައި) ގެ ރައީސް މުސްތަފާ ހިޖްރީއާ ފޯނުން ވާހަކަދައްކަވާފަ އެވެ. މިއީ އީރާނުގެ ހުޅަނގު ސަރަހައްދުގައި އެއްގަމު މަގުން ވަރުގަދަ އޮޕަރޭޝަނެއް ފެށުމަށް ތައްޔާރުވަމުންދާ ދަނޑިވަޅެއްގަ އެވެ.
ކޮމެންޓް
Republic of Maldives