ފުޅަދޫގައި ބިކިނީގައި އުޅޭ ޓޫރިސްޓުން ޖޫރިމަނާކުރަނީ
ފުޅަދޫ ކައުންސިލުން ކުރި އިއުލާނެއްގައި ބުނީ އާންމު ތަންތަނުގައި ޓޫރިސްޓުން ހެދުން އަޅާ ގޮތާ ބެހޭގޮތުން ތަކުރާރުކޮށް ލިބެމުންދާ ޝަކުވާތަކާ ގުޅިގެން، އެ މައްސަލަ ހައްލުކުރަން އެކިފަހަރު މަތިން ކުރި މަސައްކަތް ކާމިޔާބުވެފައިނުވާ ކަމަށެވެ.
ބ. ފުޅަދޫ އާންމު މިންގަނޑުތަކާ ހިލާފަށް ބިކިނީ ފަދަ ނިވާކަންކުޑަ ހެދުމުގައި އާންމު ތަންތަނުގައި އުޅޭ ޓޫރިސްޓުން ޖޫރިމަނާކުރަން އެ ރަށު ކައުންސިލުން ނިންމައިފި އެވެ.
ފުޅަދޫ ކައުންސިލުން ކުރި އިއުލާނެއްގައި ބުނީ އާންމު ތަންތަނުގައި ޓޫރިސްޓުން ހެދުން އަޅާ ގޮތާ ބެހޭގޮތުން ތަކުރާރުކޮށް ލިބެމުންދާ ޝަކުވާތަކާ ގުޅިގެން، އެ މައްސަލަ ހައްލުކުރަން އެކިފަހަރު މަތިން ކުރި މަސައްކަތް ކާމިޔާބުވެފައިނުވާ ކަމަށެވެ.
އެހެންކަމުން، އާންމު އިޖުތިމާއީ މިންގަނޑުތަކާ ހިލާފަށް ހެދުން އަޅައިގެން އާންމު ތަންތަނުގައި އުޅޭ ޓޫރިސްޓުން، މިއަދުން ފެށިގެން 750ރ. އިން ޖޫރިމަނާކުރަން ނިންމާފައިވާ ކަމަށް ކައުންސިލްގެ އިއުލާނުގައިވެ އެވެ.
ފުޅަދޫ އަކީ ލޯކަލް ޓޫރިޒަމް ފުޅާވަމުން އަންނަ ރަށެކެވެ.
ގެސްޓްހައުސް ހިންގާ މީހުން ދިރިއުޅޭ ރަށްރަށުގައި އާންމު އިޖުތިމާއީ މިންގަނޑުތަކާ ހިލާފަށް ހެދުން އަޅައިގެން އުޅޭ މައްސަލަ ހައްލުކޮށްދިނުމަށް އެދި، އާންމު މީހަކު ރައްޔިތުންގެ މަޖިލީހަށް ޕެޓިޝަނެއް ވެސް ވަނީ ހުށަހަޅައިފަ އެވެ.
ކޮމެންޓް
Republic of Maldives