އިރާނާ ދެކޮޅަށް ހަމަލާދޭ އެމެރިކާގެ މިސައިލް ހުސްވުމުގެ މައްސަލަތަކެއް

އީރާނާ ދެކޮޅަށް އެމެރިކާ އާއި އިޒްރޭލު ގުޅިގެން ފަށާފައިވާ ވަރުގަދަ އަސްކަރީ އޮޕަރޭޝަނާއެކު، އެމެރިކާގެ މުހިންމު މިސައިލް ސްޓޮކްތައް ވަރަށް ބޮޑަށް މަދުވަމުންދާ ކަމަށް ސީ.އެން.އެން އިން ރިޕޯޓްކޮށްފި އެވެ.

ސީނިއާ އެމެރިކާ އޮފިޝަލަކާ ހަވާލާދީ ސީއެންއެންގެ ރިޕޯޓުގައިވާ ގޮތުން، ހާއްސަކޮށް ޓޮމަހޯކް ލޭންޑް-އެޓޭކް މިސައިލާއި އެސްއެމް ތިނެއް އިންޓަސެޕްޓަރުތައް ވަނީ މަދުވާން ފަށާފަ އެވެ. އަދި ކުރިއަށް އޮތް 24 ގަޑިއިރުގެ ތެރޭގައި ހަމަލާތައް އިތުރަށް ވަރުގަދަވާނެ ކަމަށް ލަފާކުރެވޭއިރު، މިއީ އެމެރިކާގެ ދިފާއީ ބާރަށް ކުރިމަތިވެފައިވާ ބޮޑު ގޮންޖެހުމެކެވެ.

ޕެޓްރިއޮޓް މިސައިލްގެ ތަދިކަން - ޔޫކްރޭން ހަނގުރާމައިގައި ގިނަ އަދަދަކަށް ޕެޓްރިއޮޓް މިސައިލް ބޭނުންކޮށްފައިވުމުން، މިހާރުގެ ކުރިމަތިލުންތަކަށް ބޭނުންވާ ވަރަށް އެ މިސައިލް ނެތް ކަމަށް ޕެންޓަގަނުން ފާހަގަކުރެ އެވެ.

އެމެރިކާއިން ބުނާ ގޮތުގައި ފުރަތަމަ ބުރުގެ ހަމަލާތަކުން އީރާނުގެ ވައިގެ ދިފާއީ ނިޒާމުތައް ވަނީ ބަލިކަށިކޮށްލެވިފައެވެ.
ކުރިއަށް އޮތް ފިޔަވަހީގައި މައިގަނޑު ގޮތެއްގައި އަމާޒުކުރާނީ އީރާނުގެ މިސައިލް އުފައްދާ ކާރުޚާނާތަކަށާއި، ޑްރޯން  މަރުކަޒުތަކަށާއި ކަނޑުގެ އަސްކަރީ ގާބިލުކަން ނައްތާލުމަށެވެ.

މި ހަމަލާތައް ފެށުނު ފަހުން އެމެރިކާގެ 6 ސިފައިން މަރުވެ، 18 މީހަކަށް ބޮޑެތި އަނިޔާތައް ލިބިފައިވާ ކަމަށް ރިޕޯޓްތައް ބުނެއެވެ. އީރާނުން ވަނީ މި ހަމަލާތަކުގެ ރައްދުގައި އެމެރިކާގެ އަސްކަރީ މަރުކަޒުތައް ހުރި ގަލްފުގެ ގައުމުތަކަށް ޑްރޯން އާއި މިސައިލް ހަމަލާތައް ދޭން ފަށާފަ އެވެ.