ޔޫއޭއީ އާއި ބަހްރޭންގައި ހުރި އެމެޒޯންގެ ޑޭޓާ ސެންޓަރުތަކަށް ހަމަލާތަކެއް

ޔޫއޭއީ އާއި ބަހްރޭންގައި ހުރި އެމެޒޯންގެ ޑޭޓާ ސެންޓަރުތަކަށް ޑްރޯން ހަމަލާތަކެއް އަމާޒުވެ، އެ ކުންފުނީގެ ކްލައުޑް ޚިދުމަތްތަކަށް ބޮޑެތި ބުރޫތަކެއް އަރައިފި އެވެ.

ބޭރުގެ ނޫސްތަކުގައިވާ ގޮތުން ޔޫއޭއީ އެމެޒޯން ވެބް ސާވިސަސް އިން ބުނި ގޮތުގައި ޔޫއޭއީގައި ހުރި އެ ކުންފުނީގެ ދެ ފެސިލިޓީއަކަށް ސީދާ ހަމަލާ އަމާޒުވެފައިވެއެވެ. އަދި ބަހްރޭންގެ ފެސިލިޓީއެއްގެ ކައިރިއަށް ޑްރޯން ހަމަލާއެއް އެރުމުގެ ސަބަބުން އެތަނުގެ އިންފްރާސްޓްރަކްޗާއަށް ވަނީ ގެއްލުން ލިބިފަ އެވެ.

މި ހަމަލާތަކުގެ ސަބަބުން އިމާރާތްތަކަށް ގެއްލުންވެ، ކަރަންޓު ކެނޑި، އަދި އަލިފާން ނިއްވުމަށް ބޭނުންކުރި ފެނުގެ ސަބަބުން އިތުރު ގެއްލުންތަކެއް ލިބިފައިވާ ކަމަށް އެމެޒޯންއިން ބުނެއެވެ.

މި ހަމަލާއަކީ އީރާނުގެ ރޫހާނީ ލީޑަރު އާޔަތުالله އަލީ ޚާމަނާއީ އަވަހާރަކޮށްލުމާ ގުޅިގެން، އީރާނުން ބަދަލުހިފުމުގެ ގޮތުން ދިން ހަމަލާތަކެއްގެ ތެރެއިން ދީފައިވާ ހަމަލާއެކެވެ. މިއީ އެމެރިކާގެ ބޮޑު ޓެކްނޮލޮޖީ ކުންފުންޏެއްގެ ޑޭޓާ ސެންޓަރަކަށް އަސްކަރީ ހަމަލާއެއްގެ ސަބަބުން މިހާ ބޮޑު ގެއްލުމެއް ލިބުނު ފުރަތަމަ ފަހަރެވެ.