ހާއްސަ ކެޓަގަރީތަކުން ފްލެޓު ލިބޭ އާ އުސޫލު އާންމުކޮށްފި
މިގޮތުން، ހާއްސަ ކެޓަގަރީތަކުން އިސްލާހުކުރި އުސޫލުގެ ދަށުން ފަސް ދާއިރާގެ މުވައްޒަފުންނަށް ޖުމްލަ 1،000 ފްލެޓު ވަނީ ކަނޑައަޅައިފަ އެވެ.
މި ސަރުކާރުގެ "އާއިލީ ބޯހިޔާވަހިކަން" ސްކީމުގައި ހިމެނޭ ހާއްސަ ކެޓަގަރީތަކުގެ ފްލެޓްތަކަށް ކުރިމަތިލެވޭ ޝަރުތުތައް އިސްލާހުކޮށް، ކޮންމެ ކެޓަގަރިއަށް ދޫކުރުމަށް ހަމަޖެހިފައިވާ ފްލެޓުގެ އަދަދު އާންމުކޮށްފި އެވެ.
މިގޮތުން، ހާއްސަ ކެޓަގަރީތަކުން އިސްލާހުކުރި އުސޫލުގެ ދަށުން ފަސް ދާއިރާގެ މުވައްޒަފުންނަށް ޖުމްލަ 1،000 ފްލެޓު ވަނީ ކަނޑައަޅައިފަ އެވެ.
- ޖުޑިޝަރީ - 100 ފްލެޓު
- ފުލުހުން - 100 ފްލެޓު
- އެމްއެންޑީއެފް - 100 ފްލެޓު
- ސިވިލް ސާވިސް - 200 ފްލެޓު
- ކަރެކްޝަންސް ސާވިސް - 100 ފްލެޓު
މި ފްލެޓުތަކަށް ޝަރުތު ހަމަވަނީ، މި ފަސް އިދާރާގައި މެދުނުކެނޑި ފުލްޓައިމްކޮށް މަސައްކަތްކުރާތާ އެއް އަހަރުވެފައިވާ މުވައްޒަފުންނެވެ.
އަދި މި ފްލެޓުތައް ލިބޭ މުވައްޒަފުން، ފް؛ލެޓު ހަވާލުކުރާ ތާރީހުން ފެށިގެން އިދާރާ އިން ކަނޑައަޅާ ގޮތެއްގެ މަތިން ވަޒީފާ އަދާކުރުމަށް އެއްބަސްވުން ވެސް ޝަރުތުތަކުގެ ތެރޭގައި ހިމެނެ އެވެ.
އެތަންތަނުގެ އިތުރުން އިތުރު 24 އިދާރާއެއްގައި މަސައްކަތްކުރާ މުވައްޒަފުންނަށް 400 ފްލެޓު ކަނޑައަޅާފައިވެ އެވެ. އެ ކެޓަގަރީގެ ތަކުގެ ވެސް އަސާސީ ޝަރުތުތަކުގެ ތެރޭގައި، މާލޭގައި އާއިލާ ބިނާވެފައިވުމާއި އެ އިދާރާއެއްގައި އެއް އަހަރު މަސައްކަތްކޮށްފައިވުމާއި ބޯހިޔާވަހިކަން ހަވާލުކުރުމާ އެކު އިދާރާއިން ކަނޑައަޅާ ގޮތަށް މަސައްކަތްކުރަން އެއްބަސްވުން ހިމެނެ އެވެ.
- ރައީސް އޮފީސް (މުލިއާގޭ އަދި ހިލާލީގޭގެ މުވައްޒަފުން ހިމެނޭ ގޮތަށް)
- މަޖިލިސް އިދާރާ
- އެޓާނީ ޖެނަރަލްގެ އޮފީސް
- ފޮރިން ސާވިސް
- ޖުޑިޝަލް ސާވިސް ކޮމިޝަން
- އިލެކްޝަންސް ކޮމިޝަން
- ސިވިލް ސާވިސް ކޮމިޝަން
- އެޗްއާރުސީއެމް
- އޭސީސީ
- އޮޑިޓާ ޖެނަރަލްގެ އޮފީސް
- ޕްރޮސެކިއުޓާ ޖެނަރަލްގެ އޮފީސް
- އެމްއެމްއޭ
- މީރާ
- ޕެންޝަން އޮފީސް
- ނޭޝަނަލް އިންޓެގްރިޓީ ކޮމިޝަން
- މޯލްޑިވްސް މީޑއާ އެންޑް ބްރޯޑްކާސްޓިން ކޮމިޝަން
- ފެމިލީ ޕްރޮޓެކްޝަން އޮތޯރިޓީ
- ނޭޝަނަލް ޑިޒާސްޓާ މެނޭޖްމަންޓް
- ޗިލްޑްރަންސް އޮމްބަޑްސް ޕާސަންގެ އޮފީސް
- ވަޒީފާއާ ބެހޭ ޓްރައިބިއުނަލް
- ލޯކަލް ގަވާމަންޓް އޮތޯރިޓީ
- ޓެކްސް އެޕީލް ޓްރައިބިއުނަލް
- ސިވިލް އޭވިއޭޝަން އޮތޯރިޓީ
- ކެޕިޓަލް މާކެޓް ޑިވެލޮޕްމަންޓް އޮތޯރިޓީ
ހައުސިން މިނިސްޓްރީން ބުނީ ކޮންމެ އިދާރާއަކުން ކަނޑައަޅާ ފްލެޓުތައް ލިބޭ މީހުން ކަނޑައަޅާނީ ޝަރުތު ހަމަވާ މީހުންގެ ތެރެއިން އެ އިދާރާއަކުން ކަނޑައަޅާ އުސޫލެއްގެ ދަށުން ކަމަށެވެ.
ކޮމެންޓް
Republic of Maldives