ރާއްޖެއަށް ދެ ކިލޯއަށްވުރެ ގިނަ ޑްރަގު އެތެރެކުރަން އުޅުނު ބަޔަކު އަތުލައިގެންފި

ދެ ކިލޯއަށްވުރެ ގިނަ މަސްތުވާތަކެތި ވައިގެ މަގުން ރާއްޖެއަށް އެތެރެކުރަން އުޅުނު ބަޔަކު އަތުލައިގެންފި އެވެ.

މި މައްސަލައާ ގުޅިގެން މިދިޔަ ހޮނިހޮރު ދުވަހު ހައްޔަރު ކޮށްފައި ވަނީ ރަންޖިނި ޖީވަނަންތަން، މެލޭޝިއާ، 38، އާއި ގދ. ވާދޫ، ފުރުސަތު، ލޫތު އިބްރާހީމް 29، އާއި ގއ. ދާންދޫ، ސަންލައިޓްވިލާ، އަހުމަދު ރިޝްމާހް 21، އެވެ. 

ފުލުހުން ބުނީ މި ތިން މީހުންގެ ތެރެއިން ރަންޖިނި ޖީވަނަންތަން ހައްޔަރުކޮށްފައި ވަނީ ވެލާނާ އިންޓަނޭޝަނަލް އެއާޕޯޓުން ކަމަށެވެ. އަދި ލޫތު އިބްރާހީމްއާއި އަހުމަދު ރިޝްމާހް ހައްޔަރުކޮށްފައިވަނީ މާލެއިން ކަމަށެވެ.

މި މައްސަލައާ ގުޅިގެން ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، ރަންޖިނި ޖީވަނަންތަންއާއި ލޫތު 15 ދުވަަހަށް އަދި ރިޝްމާހް ފަސް ދުވަހަށް ބަންދުކުރުމަށް ވަނީ އަމުރުކޮށްފަ އެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.