އިންވެސްޓްކުރާ ފަރާތްތަކަށް ޑިއުޓީ މައާފުކޮށްދޭ އުސޫލު އާއްމުކޮށްފި

ރާއްޖޭގައި އެކްސްޕޯޓް އިމްޕޯޓްގެ ޤާނޫނުގެ ދަށުން، އިމްޕޯޓް ޑިއުޓީއާއި ރޯޔަލްޓީ އަދި ރެވެނިއު ފީ މާފުކޮށްދިނުމުގައި ރައީސުލްޖުމްހޫރިއްޔާ އަށް ލިބިދޭ އިޚުތިޔާރު ބޭނުންކުރާނެ ގޮތުގެ އާ އުސޫލު އާއްމުކޮށްފި އެވެ. 

މި އުސޫލުގެ ދަށުން، އިގްތިސާދީގޮތުން ބޭނުންތެރި މަސައްކަތްތަކަށާއި، ހާއްސަ ހާލަތްތަކުގައި ރާއްޖެއަށް އެތެރެކުރާ ތަކެތިން ޑިއުޓީ މާފުކޮށްދިނުމުގެ މަގު ވަނީ ތަނަވަސްވެފަ އެވެ.

އާ އުސޫލުގައި ބަޔާންކޮށްފައިވާ ގޮތުން، ރާއްޖޭގެ އިގްތިސާދު ކުރިއެރުވުމަށް ހިންގާ ބައެއް މުހިންމު މަސައްކަތްތަކަށް ޑިއުޓީ އިނާޔަތް ލިބޭނެ އެވެ.

އޮޑިދޯނިފަހަރު ބަނުމާއި މަރާމާތުކުރުން: މާވަޑާމުގެ މަސައްކަތަށް ބޭނުންވާ ތަކެތި
ދަނޑުވެރިކަމާއި މަސްވެރިކަން: ކުދި އަދި މެދުފަންތީގެ ދަނޑުވެރިކަމަށާއި، މަސްވެރިކަން ތަރައްޤީކުރަން ގެންނަ ތަކެތި.
ބަންކަރިން ހިދުމަތް: މެރިން ފިއުލް ބަންކަރިންއަށް ގެންނަ ތެލުގެ ބާވަތްތައް.
ފަތުރުވެރިކަން ފުޅާކުރުން: ފަތުރުވެރިކަން ކުރިއަރާފައިނުވާ އަތޮޅުތަކުގައި (ހއ، ހދ، ށ، ތ، ލ، ސ) ރިޒޯޓު ތަރައްގީ ކުރުމަށް ގެންނަ ތަކެތި.