ނަގުދު ފައިސާއާއި ކޭޝްކާޑުން ޒަކާތް ބަލައިގަންނަން ފަށައިފި

އޮންލައިންކޮށް ޒަކާތް ދައްކަން އަހުލުވެރި ނޫން މީހުންނަށް ހާއްސަކޮށް، ނަގުދު ފައިސާ އާއި ކޭޝްކާޑުން ޒަކާތް ބަލައިގަންނަން ފަށައިފި އެވެ.

މޯލްޑިވްސް ޒަކާތު ހައުސްއިން ބުނީ މާލޭގެ އިސްލާމީ މަރުކަޒުގެ ޖަލްސާކުރާ މާލަމުގައި ގާއިމުކޮށްފައިވާ ކައުންޓަރުތަކުން މިއަދު ޒަކާތް ބަލައިގަންނަން ފަށާފައިވާ ކަމަށެވެ.

އެ ކައުންޓަރުތަކުން ޒަކާތް ބަލައިގަތުމަށް ހަމަޖެހިފައިވަނީ؛

ޒަކާތު ހައުސްއިން ބުނީ އަތޮޅުތެރޭގެ ރަށްރަށުގައި އޮންލައިންކޮށް ޒަކާތް ދެއްކުމަށް އަހުލުވެރި ނޫން ފަރާތަކުން ފިތުރު ޒަކާތް ދައްކާނީ އެ ރަށެއްގެ ކައުންސިލް އިދާރާއަށް ކަމަށެވެ. 

ނަގުދު ފައިސާއިންނާއި ގޮވާމުން ޒަކާތް ބަލައިގަތުމަށް ކައުންސިލްތަކުން ބޭނުންކުރާނީ އެކަމަށްޓަކައި ހާއްސަކޮށްގެން ތައްޔާރުކޮށްފައިވާ ފިތުރު ޕޯޓަލްއަށެވެ.

ނަގުދު ފައިސާ އާއި ކޭޝްކާޑުން ޒަކާތް ބަލައިގަންނަން މިއަދު ފެށިއިރު، ރޯދަ މަހުގެ ފުރަތަމަ ދުވަހުން ފެށިގެން އޮންލައިންކޮށް ދަނީ ޒަކާތް ބަލައިގަންނަމުންނެވެ. އެގޮތުން ޖުމްލަ 7 ޕޯޓަލްއެއް މެދުވެރިކޮށް މިއަހަރު ޒަކާތް ދެއްކޭނެ އެވެ. އެއީ؛

މީގެތެރެއިން ބަނޑޭރި ޕޭ އާއި ފަހިޕޭ މެދުވެރިކޮށް ރޯދަ މަސް ނިމެންދެން ޒަކާތް ދެއްކޭނެ އެވެ. އެހެން ޕޯޓަލްތަކުން ޒަކާތް ދެއްކޭނީ ރޯދަ މަހުގެ 27 ވަނަ ދުވަހުގެ ހެނދުނު 6:00 އާ ހަމައަށެވެ.