ހިޔާ ޓަވަރެއްގައި ރޯވެއްޖެ، 2،000 އަށްވުރެ ގިނަ މީހުން ބާލައި ޓަވަރު ހުސްކޮށްފި

ރާއްޖޭގެ އެންމެ ބޮޑު އާބާދީއެއް ދިރިއުޅޭ ހުޅުމާލެ ހިޔާ ފްލެޓުތަކުގެ ޓަވަރެއްގައި އަލފާން ރޯވެ މުޅި ޓަވަރުން މީހުން ހުސްކުރަން ޖެހިއްޖެ އެވެ. 

ހުޅުމާލެ ފޭސް ދޭއެއްގައި ހުންނަ ހިޔާ ޓަވަރުގައި އަލިފާން ރޯވެފައިވަނީ ފަސް ވަނަ ޓަވަރުގަ އެވެ. ވީޑިއޯތަކުން ފެންނަ ގޮތުގައި ދުން އަރަމުން ދިޔައީ އިމާރާތުގެ އެންމެ މަތީގަ އެވެ. އަލިފާނުގެ ހާދިސާ ހިނގުމާ ގުޅިގެން ފުލުހުންނާއި އެޗްޑީސީގެ ސެކިއުރިޓީން ވަނީ މުޅި ޓަވަރުން މީހުން ހުސްކޮށްފަ އެވެ. 

އަލިފާނުގެ ހާދިސާއާ ގުޅިގެން ސިފައިންގެ ޓީމެއް މިހާރު ދަނީ އެ ސަރަހައްދުގައި ހަރަކާތްތެރިވަމުންނެވެ. 

ޓަވަރުގައި ރޯވި ސަބަބެއް އަދި މިހާތަނަށް އެނގިފައެއް ނުވެ އެވެ. ނަމަވެސް ބެލެވޭ ގޮތުގައި ރޯވެފައިވަނީ ފްލެޓުގެ އެންމެ ތިރީ ބޭސް މަންޓުގަ އެވެ. 

ހިޔާ ޓަވަރުތަކުގެ ކޮންމެ ޓަވަރެއްގައި ގާތްގަނޑަކަށް 420 އެޕާޓްމަންޓް ހުރެ އެވެ. އެވްރެޖްކޮށް ކޮންމެ ފްލެޓެއްގައި 5 އާއި 8 ދެމެދުގެ މީހުން ދިރިއުޅެ އެވެ. މި އަދަދުން ބަލާއިރު އެއް ޓަވަރުގައި ގާތްގަނޑަކަށް 2،100 އާއި 3،300 ދެމެދުގެ އާބާދީއެއް އުޅޭނެ ކަމަށް ލަފާކުރެވެ އެވެ.