އެސްޓީއޯގެ ބޯޑަށް އާންމު ހިއްސާދާރުން ތަމްސީލްކުރާ ޑިރެކްޓަރެއް ހޯދަނީ
އެސްޓީއޯ އިން ނެރުނު އިޢުލާނެއްގައި ބުނީ 2026-2027 ވަނަ އަހަރަށް ބޯޑަށް އިންތިޚާބުކުރާ މި މަގާމަށް ކުރިމަތިލާ ފަރާތްތަކަކީ ކުންފުނީގެ ހިންގުމުގެ ދާއިރާ އަށް ބޭނުންތެރި ތަޖުރިބާކާރު އަދި ގާބިލު ފަރާތްތަކަކަށް ވާންޖެހެ އެވެ.
ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގެ ޑިރެކްޓަރުންގެ ބޯޑަށް އާންމު ހިއްސާދާރުންގެ ފަރާތުން އިންތިޚާބުކުރާ ޑިރެކްޓަރުގެ މަގާމަށް ކުރިމަތިލުމުގެ ފުރުސަތު އެ ކުންފުނިން މިއަދު ހުޅުވާލައިފި އެވެ.
އެސްޓީއޯ އިން ނެރުނު އިޢުލާނެއްގައި ބުނީ 2026-2027 ވަނަ އަހަރަށް ބޯޑަށް އިންތިޚާބުކުރާ މި މަގާމަށް ކުރިމަތިލާ ފަރާތްތަކަކީ ކުންފުނީގެ ހިންގުމުގެ ދާއިރާ އަށް ބޭނުންތެރި ތަޖުރިބާކާރު އަދި ގާބިލު ފަރާތްތަކަކަށް ވާންޖެހެ އެވެ.
ކުރިމަތިލާ ފަރާތްތަކުގައި ހުންނަންޖެހޭ ޝަރުތުތައް
- އެސްޓީއޯގެ ހިއްސާދާރަކަށް ވުން.
- އުމުރުން 30 އަހަރާއި 70 އަހަރާ ދެމެދުގެ މީހަކަށް ވުން.
- ވިޔަފާރި ނުވަތަ ގުޅޭ ދާއިރާއަކުން ފުރަތަމަ ޑިގްރީ ހާސިލުކޮށްފައިވުމާއެކު، މަދުވެގެން 5 އަހަރުގެ މަސައްކަތުގެ ތަޖުރިބާ ހުރުން. (ނުވަތަ ތަޖުރިބާ ހުރިނަމަ، ޑިޕްލޮމާއަކާއެކު 10 އަހަރުގެ ތަޖުރިބާ).
- ޝަރުޢީ ކޯޓަކުން ބަނގުރޫޓުވެފައިވާ ފަރާތެއް ކަމަށް ކަނޑައަޅާފައިވާ މީހަކަށް ނުވުން.
- ޖިނާއީ ބޮޑު ކުށެއް ސާބިތުވެފައިވާ މީހަކަށް ނުވުން.
އެސްޓީއޯ އިން ބުނި ގޮތުގައި މި މަގާމަށް މީހުން ހޮވުމުގައި ކުންފުނީގެ "ނޮމިނޭޓިން އެންޑް ރިމިއުނަރޭޝަން ކޮމިޓީ" އިން ފަރާތްތައް އިންޓަވިއުކޮށް، ގާބިލުކަން ވަޒަންކުރާނެ އެވެ. އަދި ބޯޑު މެންބަރަކު ރަސްމީކޮށް އިންތިޚާބު ކުރެވޭނީ ކުންފުނީގެ އަހަރީ އާންމު ޖަލްސާގަ އެވެ. މި މަގާމަށް ކުރިމަތިލުމަށް އެދޭ ފޯމާއި ބޭނުންވާ ލިޔެކިޔުންތައް ހުށަހެޅުމުގެ ސުންގަޑިއަކީ އަންނަ މަހުގެ 12 ވަނަ ދުވަހު އެވެ. ފޯމު ހުށަހަޅަންޖެހޭނީ އެސްޓީއޯގެ ހެޑް އޮފީހަށް ނުވަތަ އީމެއިލް މެދުވެރިކޮށެވެ.
ކޮމެންޓް
Republic of Maldives