ބިދޭސީ މީހާ މަރުވި ހާދިސާ ތަހުގީގު ކުރަނީ
"މިހާތަނަށް ބެލި ބެލުމުން، އަމީން މިއާ ނިޔާވުމުގެ ހާދިސާ ހިނގާފައިވަނީ 2026 ޖެނުއަރީ 26 ވަނަ ދުވަހުކަން ވަނީ އެނގިފައި،" ފުލުހުން ބުންޏެވެ.
ކ. ތިލަފުށީގައި މަސައްކަތް ކުރާ ބިދޭސީއަކު ގެއްލިގެން ހޯދަމުން ދަނިކޮށް މަރުވެފައި އޮއްވައި ފެނުނު މައްސަލަ ފުލުހުން ތަހުގީގު ކުރަން ފަށައިފި އެވެ.
ތިލަފުށީގެ ވޯކް ސައިޓެއްގައި މަސައްކަތްކުރާ ބިދޭސީއަކު ހޯމަ ދުވަހު ގެއްލިފައިވާ މައްސަލަ ފުލުހަށް ރިޕޯޓުކޮށްފައި ވަނީ މިދިޔަ އަންގާރަ ވަގުތެއްގަ އެވެ. އެފަހުން އެމީހާ ހޯދަމުން ދަނިކޮށް އިއްޔެ ވަނީ މަރުވެފައި އޮއްވައި ފެނިފަ އެވެ.
ފުލުހުން މިއަދު ބުނީ މަރުވެފައި އޮއްވައި ފެނުނީ ބަންގްލަދޭޝްގެ ރައްޔިތެއް ކަމަށްވާ އަމީން މިއާ 24، ކަމަށެވެ.
"މިހާތަނަށް ބެލި ބެލުމުން، އަމީން މިއާ ނިޔާވުމުގެ ހާދިސާ ހިނގާފައިވަނީ 2026 ޖެނުއަރީ 26 ވަނަ ދުވަހުކަން ވަނީ އެނގިފައި،" ފުލުހުން ބުންޏެވެ.
އިތުރު މައުލޫމާތު ފުލުހުން ހާމަކޮށްފައެއް ނުވެ އެވެ. އިތުރަށް ފުލުހުން ބުނެފައިވަނީ މައްސަލައިގެ ތަހުގީގު ކުރިއަށްދާ މިންވަރަކުން ހާމަކުރެވެން ހުރި މައުލޫމާތު ހާމަކުރަމުންދާނެ ކަމަށެވެ.
ކޮމެންޓް
Republic of Maldives