ޕްލޭން ވެއްޓި އިންޑިއާގެ މަހަރަޝްތުރަ ސިޓީގެ ޑެޕިއުޓީ ޗީފް މިނިސްޓަރު އަވަހާރަވެއްޖެ
އިންޑިއާގެ އޭވިއޭޝަން ރެގިއުލޭޓަރާއި ހަވާލާދީ ރޮއިޓާސްއިން ރިޕޯޓްކޮށްފައިވާ ގޮތުގައި، ޕަވާރު ދަތުރުކުރެއްވި "ލިއަރޖެޓް 45" މަރުކާގެ ބޯޓު އެކްސިޑެންޓްވީ އޭނާގެ އުފަން ރަށް ކަމަށްވާ ބާރަމަތީގެ އެއާޕޯޓަށް ޖައްސަން އުޅުމުގެ ތެރޭގަ އެވެ.
އިންޑިއާގެ އެންމެ މުއްސަނދި ސްޓޭޓް ކަމަށްވާ މަހަރަޝްތުރާގެ ޑެޕިއުޓީ ޗީފް މިނިސްޓަރު އަޖިތް ޕަވާރު ދަތުރުކުރެއްވި ޗާޓަރު ބޯޓު މިއަދު ހެނދުނު އެކްސިޑެންޓްވެ، ބޯޓުން ދަތުރުކުރި އެންމެން އަވަހާރަވެއްޖެ އެވެ.
އިންޑިއާގެ އޭވިއޭޝަން ރެގިއުލޭޓަރާއި ހަވާލާދީ ރޮއިޓާސްއިން ރިޕޯޓްކޮށްފައިވާ ގޮތުގައި، ޕަވާރު ދަތުރުކުރެއްވި "ލިއަރޖެޓް 45" މަރުކާގެ ބޯޓު އެކްސިޑެންޓްވީ އޭނާގެ އުފަން ރަށް ކަމަށްވާ ބާރަމަތީގެ އެއާޕޯޓަށް ޖައްސަން އުޅުމުގެ ތެރޭގަ އެވެ.
މި ހާދިސާގައި ޕަވާރުގެ އިތުރުން ބޯޓުގައި ތިބި އޭނާގެ ދެ މުވައްޒަފުންނާއި ދެ ކްރޫ މެންބަރުން ވެސް ވަނީ މަރުވެފަ އެވެ.
މަންޒަރު ދުށް ފަރާތްތަކުން ބުނި ގޮތުގައި، ބޯޓު ބިމަށް ވެއްޓުމާއެކު އޭގައި ބޮޑު އަލިފާންގަނޑެއް ހިފައި ބާރުގަދަ ގޮވުންތަކެއް ގޮވާފައިވެ އެވެ. އަލިފާންގަނޑު މާ ގަދަވުމުގެ ސަބަބުން ބޯޓުގައި ތިބި މީހުން ސަލާމަތް ކުރުމަށް އާންމުންނަށް ކުރެވޭނެ އެއްވެސް ކަމެއް ނެތް ކަމަށް އެ ސަރަހައްދުގައި ހުރި މީހަކު މީޑިއާއަށް މައުލޫމާތު ދީފައިވެ އެވެ.
އަޖިތް ޕަވާރަކީ އިންޑިއާގެ ސިޔާސީ ދާއިރާގައި ނުފޫޒުގަދަ އަދި އެ ގައުމުގެ އެންމެ ތަޖުރިބާކާރު އެއް ސިޔާސީ ލީޑަރު ޝަރަދު ޕަވާރުގެ އާއިލާގެ ބޭފުޅެކެވެ. އޭނާ ބާރަމަތީ އަށް ދަތުރުކުރެއްވީ އެ ސަރަހައްދުގައި ބާއްވާ ކައުންސިލް އިންތިޚާބުގެ ކެމްޕޭން ހަރަކާތްތަކުގައި ބައިވެރިވެވަޑައިގަތުމަށެވެ.
ބޯޓު އޮޕަރޭޓްކުރާ ވީ.އެސް.އާރް ވެންޗާސްގެ ޑައިރެކްޓަރު ވީ.ކޭ ސިންގް ވިދާޅުވި ގޮތުގައި، ބޯޓަކީ ފުރިހަމައަށް ސަލާމަތީ ކަންކަން ފުރިހަމަވެފައިވާ ބޯޓެކެވެ. އަދި ބޯޓު ދުއްވަން ތިބީ ވެސް ވަރަށް ތަޖުރިބާކާރު ކްރޫއެކެވެ. ނަމަވެސް އެކްސިޑެންޓްވާން ދިމާވި ސީދާ ސަބަބު އަދި ސާފެއް ނުވެ އެވެ.
މި ހާދިސާއާ ގުޅިގެން އިންޑިއާގެ ބޮޑުވަޒީރު ނަރެންދުރަ މޯދީ އާއި އެހެނިހެން ސިޔާސީ ލީޑަރުން ދަނީ ތައުޒިޔާ ފޮނުވަމުންނެވެ. އަދި މަހަރަޝްތުރާ ސްޓޭޓުން ވަނީ ޕަވާރުގެ ހަނދާނުގައި ތިން ދުވަހުގެ ގައުމީ ހިތާމަ ފާޅުކުރުން އިއުލާނުކޮށްފަ އެވެ.
ކޮމެންޓް
Republic of Maldives