8000 އަށްވުރެ ގިނަ ދަރިވަރުންނާއެކު އޯލެވެލް އަދި އެސްއެސްސީ އިމްތިހާނު ފަށައިފި
އެޑިއުކޭޝަން މިނިސްޓްރީން ބުނި ގޮތުގައި މިއަހަރު އޯލެވެލް އަދި އެސްއެސްސީ އިމްތިހާނުގައި 8،218 ދަރިވަރުން ބައިވެރިވެ އެވެ.
މިދިޔަ އެޕްރީލް މަހު ގްރޭޑް 10 ގައި ކިޔަވަން ފެށި ދަރިވަރުންގެ ކެމްބްރިޖް އޯލެވެލް އަދި އެސްއެސްސީ އިމްތިހާނު މިއަދު ފަށައިފި އެވެ.
އެޑިއުކޭޝަން މިނިސްޓްރީން ބުނި ގޮތުގައި މިއަހަރު އޯލެވެލް އަދި އެސްއެސްސީ އިމްތިހާނުގައި 8،218 ދަރިވަރުން ބައިވެރިވެ އެވެ.
މި އިމްތިހާން ޖުމުލަ 267 މަރުކަޒެއްގައި އިމްތިހާނު ކުރިއަށް ދާނެ އެވެ. އެއީ އަތޮޅުތެރޭގެ 246 ސެންޓަރަކާއި މާލޭގެ 21 ސެންޓަރެއްގަ އެވެ.
މިއަދު އިމްތިހާނު ފަށާފައި ވަނީ ދިވެހި މާއްދާއިންނެވެ. މިއަދުން ފެށިގެން އަންނަ މާޗް މަހުގެ ހަވަނަ ދުވަހުގެ ނިިޔަލަށް އިމްތިހާނުތައް ކުރިއަށް ދާނެ އެވެ.
އިއްޔެ ފެށި ދިރާސީ އާ އަހަރުގައި ގްރޭޑް 10 ފެށި ދަރިވަރުން އޯލެވެލް އިމްތިހާނު ހެދުމަށް ހަމަޖެހިފައި ވަނީ އޮކްޓޯބަރު / ނޮވެމްބަރުގަ އެވެ.
މިއަދު ފެށި އޯލެވެލް އިމްތިހާނާއެކު އެޑިއުކޭޝަނާއި ދާއިރާގެ ފަރާތްތަކުން ވަނީ އިމްތިހާނު ހަދާ ދަރިވަރުންނަށް ކާމިޔާބީ އަށް އެދިފަ އެވެ.
ކޮމެންޓް
Republic of Maldives