ހަބަރު ނުވާތާ 3 މަސްވެގެން ހޯދިއިރު ހުރީ ތިލަފުށީގައި
"އަބްދުލްއަޒީޒު މުހައްމަދު، އޭނާގެ އާއިލާއަށް އަދި ފުވައްމުލައް ޕޮލިސް ސްޓޭޝަނަށް ގުޅައި، އޭނާ ހުރީ ތިލަފުށީގައި ކަމާއި ހާލު ރަނގަޅުކަމަށް ވަނީ މައުލޫމާތު ދީފައި،" ފުލުހުން މިއަދު ބުންޏެވެ.
އާއިލާއަށް ތިން މަސްވާންދެން ހަބަރެއް ނުވެގެން ހޯދަން އިއުލާނުކުރި ޏ. ފުވައްމުލައް، ދޫޑިގަން، ދުންދިނިގެ، އަބްދުލްއަޒީޒު މުހައްމަދު ހުރީ ތިލަފުށީގައި ކަމަށް ފުލުހުން ބުނެފި އެވެ.
ފުލުހުން ރޭ ކުރި އިއުލާނެއްގައި ބުނެފައިވަނީ އަބްދުލްއަޒީޒުގެ ހަބަރެއް އެންމެ ފަހުން އާއިލާއަށް ވެފައިވަނީ ސެޕްޓެމްބަރު 3، 2025 ގައި ކަމަށެވެ. އަދި އޭނާގެ އާއިލާ މީހަކަށް އޭނާ އެންމެ ފަހުން ފެނުނީ ނޮވެމްބަރު މަސްތެރޭގައި އައިޖީއެމްްއެޗް ކައިރިން ކަމަށް ފުލުހުން ބުންޏެވެ.
އާއިލާއާ ހަވާލާދީ ފުލުހުން ބުނެފައިވަނީ އަބްދުލްއަޒީޒަކީ މުދާ އުފުލާ ދޯނިފަހަރުގައި މަސައްކަތް ކުރާ މީހެއް ކަމަށެވެ. ފުލުހުން ރޭ ބުނެފައި ވަނީ އޭނާ ހުރިތަން އެއްވެސް މަސައްކަތަކުން ދެނެގަނެވިފައި ނުވާ ކަމަށެވެ.
ފުލުހުން ރޭ އޭނާ ހޯދަން އިއުލާނު ކުރިފަހުން އަބްދުލްއަޒީޒު ވަނީ އާއިލާއަށް ގުޅާފަ އެވެ.
"އަބްދުލްއަޒީޒު މުހައްމަދު، އޭނާގެ އާއިލާއަށް އަދި ފުވައްމުލައް ޕޮލިސް ސްޓޭޝަނަށް ގުޅައި، އޭނާ ހުރީ ތިލަފުށީގައި ކަމާއި ހާލު ރަނގަޅުކަމަށް ވަނީ މައުލޫމާތު ދީފައި،" ފުލުހުން މިއަދު ބުންޏެވެ.
ކޮމެންޓް
Republic of Maldives