ބޭންކުތަކުން އަމިއްލަ ފަރާތްތަކަށް ދޫކުރި ލޯނު 35 ބިލިއަނަށް
ދޫކުރި ލޯނުގެ ތެރެއިން ދެވަނައަށް އެންމެ ގިނައިން ދޫކޮށްފައިވަނީ ކޮންސްޓްރަކްޝަން ދާއިރާ އަށެވެ. އެއީ ގާތްގަނޑަކަށް 7.8 ބިލިއަން ރުފިޔާ އެވެ.
ރާއްޖޭގައި ހަރަކާތްތެރިވާ ބޭންކުތަކުންނާއި ފައިނޭންޝިއަލް އިދާރާތަކުން އަމިއްލަ ފަރާތްތަކަށް ދޫކޮށްފައިވާ ޖުމްލަ ލޯނުގެ މިންވަރު ފާއިތުވި އަހަރުތަކުގައި ބޮޑުތަނުން އިތުރުވެ، 35 ބިލިއަން ރުފިޔާއަށްވުރެ މައްޗަށް އަރައިފި އެވެ.
މަރުކަޒީ ބޭންކުން އާންމުކޮށްފައިވާ އެންމެ ފަހުގެ ތަފާސްހިސާބުތައް ދައްކާ ގޮތުން، 2020 ވަނަ އަހަރު ނިމުނުއިރު އަމިއްލަ ފަރާތްތަކަށް ދޫކޮށްފައިވަނީ 26.6 ބިލިއަން ރުފިޔާ އެވެ. ނަމަވެސް 2025 ވަނަ އަހަރު ނިމުނުއިރު މި އަދަދު ވަނީ 35.4 ބިލިއަން ރުފިޔާއަށް އުފުލިފަ އެވެ.
ތަފާސް ހިސާބު ތަކަށް ބަލާއިރު، ބޭންކުތަކުން އެންމެ ބޮޑު ހޭދައެއް ކޮށްފައިވަނީ އިގްތިސާދުގެ މައި ތަނބު ކަމަށްވާ ފަތުރުވެރިކަމުގެ ދާއިރާ އަށެވެ.
ޓޫރިޒަމް ދާއިރާ އަށް މިދިޔަ އަހަރު 13 ބިލިއަން ރުފިޔާގެ ލޯނު ވަނީ ދޫކޮށްފަ އެވެ. ދެވަނައަށް އެންމެ ގިނައިން ލޯނު ދޫކޮށްފައިވަނީ ކޮންސްޓްރަކްޝަން ދާއިރާ އަށެވެ. އެއީ ގާތްގަނޑަކަށް 7.8 ބިލިއަން ރުފިޔާ އެވެ. ލޯނު ލިސްޓުގެ ތިން ވަނާގައި އޮތީ އަމިއްލަ ލޯނެވެ. އާންމު ފަރުދުން ނަގާފައިވާ ޕާސަނަލް ލޯނުތަކުގެ އަދަދު ވެސް ވަނީ 8.6 ބިލިއަން ރުފިޔާ އަށް އިތުރުވެފައެވެ.
ކޮމެންޓް
Republic of Maldives