މީޑިއާ ކޮމިޝަންގެ ގާނޫނު އުވައިލަން އެމްޖޭއޭއިން ހައި ކޯޓަށް
މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން އުފައްދަން މި ސަރުކާރުން ވުޖޫދުކުރި ގާނޫނާ ދެކޮޅަށް، މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ)އިން ހައިކޯޓަށް ދުސްތޫރީ މައްސަލައެއް ހުށަހަޅައިފި އެވެ.
މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން އުފައްދަން މި ސަރުކާރުން ވުޖޫދުކުރި ގާނޫނާ ދެކޮޅަށް، މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ)އިން ހައިކޯޓަށް ދުސްތޫރީ މައްސަލައެއް ހުށަހަޅައިފި އެވެ.
އެ ޖަމިއްޔާ އިން މިއަދު ބުނީ ދުސްތޫރީ މައްސަލައެެއްގެ ގޮތުގައި އެ މައްސަލަ ހައި ކޯޓަށް ހުށަހެޅުމަށް ފަހު، މައްސަލައާ މެދު ގޮތެއް ނިމުމުގެ ކުރިން މީޑިއާ ކޮމިޝަނުން އެއްވެސް މީޑިއާއަކަށް އަދަބު ދިނުން ހުއްޓުވުމަށްޓަކައި ވަގުތީ އަމުރަކަށް ވެސް އެދިފައިވާ ކަމަށެވެ.
އާ ކޮމިޝަން އުފައްދަންޖެހޭ ގާނޫނު މަޖިލީހުން ފާސްކޮށް ތަސްދީގުކުރީ އެކަމާ ދެކޮޅަށް ނޫސްވެރިން އަޑުއުފުލަމުން ދަނިކޮށެވެ.
ނޫސްވެރިންނަށް ގާނޫނުއަސާސީން ލިބިދީފައިވާ މިނިވަންކަމަށް އެ ގާނޫނުން ހުރަސް އަޅާ ކަމަށް ގަބޫލުކުރާ ކަމަށް އެމްޖޭއޭއިން ދަނީ ތަކުރާރުކޮށް ބުނަމުންނެވެ.
ކޮމެންޓް
Republic of Maldives