"ރާޔާ މާލެ" ކިޔާ ޕޭޖަކުން ގަހަނާ ވިއްކާ ކަމަށް ބުނެ ފައިސާ ފޭރެނީ
އެގޮތުން ކަސްޓަމަރުން ހޯދުމަށް 'ކްލޯޝާ ސޭލް'ގެ ނަމުގައި 80 ޕަސެންޓާ ހަމައަށް ޑިސްކައުންޓު ދޭ ކަމަށް ބުނެ އެޕޭޖުން ވަނީ އިޝްތިހާރުކޮށްފަ އެވެ.
'ރާޔާ މާލެ' ކިޔާ ސޯޝަލްމީޑިއާ ޕޭޖަކުން ގަހަނާ ވިއްކުމުގެ ނަމުގައި ސްކޭމް ކޮށްގެން ފައިސާ ފޭރެމުންދާތީ، ސަމާލުވުމަށް ފުލުހުން އިލްތިމާސްކޮށްފި އެވެ.
ރާޔާ މާލެ' ކިޔާ އެ ޕޭޖުން ދަނީ ގަހަނާ ވިއްކާ ކަމަށް ބުނެ އިޝްތިހާރު ކުރަމުންނެވެ. އަދި އެތައް އަހަރެއް ވާންދެން ހިންގި އެ ވިޔަފާރި ނިމުމަކަށް ގެނައުމަށް ހުސްކުރާ ސޭލެއް އަޅުވާފައިވާ ކަމަށް އެޕޭޖުން ބުނެފައިވެ އެވެ. ވިޔަފާރި ހުއްޓާލަން ނިންމީ އޭނާގެ ފިރިމީހާ ނިޔާވުމާ ގުޅިގެން ކަމަށް ބުނެ ދޮގު ވާހަކަތައް ދަނީ ފަތުރަމުންނެވެ.
އެގޮތުން ކަސްޓަމަރުން ހޯދުމަށް 'ކްލޯޝާ ސޭލް'ގެ ނަމުގައި 80 ޕަސެންޓާ ހަމައަށް ޑިސްކައުންޓު ދޭ ކަމަށް ބުނެ އެޕޭޖުން ވަނީ އިޝްތިހާރުކޮށްފަ އެވެ. އަދި ޕޭމަންޓް ހަދާ ވަގުތު، ބޭންކުގެ ފޭކު ލޮގިން ޕޭޖެއް ދައްކައި، ކަސްޓަމަރުގެ ޔޫޒާ ނަމާއި، ޕާސްވޯޑު ދަނީ އޮޅުވާލައިގެން ހޯދަމުންނެވެ.
ފުލުހުންގެ އެންޓި ސްކޭމް ސެންޓަރުން ބުނީ އެ ވެބްސައިޓަކީ ކާޑުގެ މައުލޫމާތުގެ އިތުރުން އިންޓަނެޓް ބޭންކިން ކްރެޑެންޝަލްސް ވަގަށް ނެގުމަށް ހިންގަމުންދާ ސްކޭމެއް ކަމަށެވެ. އެ މައުލޫމާތު ބޭނުން ކޮށްގެން އިންޓަނެޓު ބޭންކިންއަށް ވަދެ، އެކައުންޓުގައި ހުންނަ ފައިސާ އެ ސްކޭމަރުން ފޭރެމުންދާ ކަމަށް ފުލުހުން ބުންޏެވެ.
ފުލުހުން ވަނީ އެ ސްކޭމްއިން ރައްކާތެރިވާނެ ގޮތްވެސް ކިޔައިދީފަ އެވެ. އެގޮތުން، ބޭންކަށް ވަނުމަށް ވެބްސައިޓެއްގައި ދީފައިވާ ލިންކަކަށް ނުފިތުމަށާއި އެއްވެސް ލިންކެއްގައި އޯޓީޕީ ހިއްސާނުކުރުމަށް ފުލުހުން ވަނީ އެދިފަ އެވެ. އަދި އެ ވެބްސައިޓުގައި މައުލޫމާތު ޖެހިފައިވާނަމަ، ބޭންކަށް ގުޅައިގެން އެކައުންޓާއި ކާޑު ބްލޮކް ކުރުމަށް ވެސް އިލްތިމާސްކޮށްފައިވެ އެވެ.
ކޮމެންޓް
Republic of Maldives