އެސްޖޭއިން ރިސޯޓެއް ތަރައްގީ ކުރަން ރަށެއް ނަގައިފި
އެސްޖޭ ޕްރައިވެޓް ލިމިޓެޑް ކުންފުނިން ނަގާފައިވަނީ ޅ. އަތޮޅު ފިހަފަރު ފިނޮޅެވެ. މި ރިސޯޓް ނަގާފައިވަނީ ކްލޯޒް ބިޑިން އުސޫލުންނެވެ.
ރާއްޖޭގެ އިމާރާތް ކުރުމުގެ ދާއިރާގައި މަޝްހޫރު އެސްޖޭ ޕްރައިވެޓް ލިމިޓެޑުން ރިސޯޓް އޯނަރުނަކަށްވާ ފިޔަވަޅެއް ކުރިއަށް ޖެހިލައި، ރަށެއް ނަގައިފި އެވެ.
ޓޫރިޒަމް މިނިސްޓްރީން މިރާއަށް ހިއްސާކުރި ރަސްމީ ލިޔުންތަކުން އެނގޭ ގޮތުގައި ސަރުކާރުން ކްލޯޒް ބިޑިންގެ އުސޫލުން ރިސޯޠް ތަރައްގީ ކުރަން ސަރުކާރުން ހުޅުވާލި ފުރުސަތެއްގައި އެސްޖޭ ޕްރައިވެޓް ލިމިޓެޑް ކުންފުނިން ނަގާފައިވަނީ ޅ. އަތޮޅު ވިހަފަރު ފިނޮޅެވެ.
މި ކުންފުނީގެ ހިއްސާދާރުންގެ ގޮތުގައި ތިއްބަވަނީ މުހައްމަދު ޝާހިދު އާއި ޝާހިދު އިބްރާހިމް އެވެ. އެސްޖޭއަކީ އިމާރާތް ކުރުމުގެ ސިނާއަތުގެ ރިއަލްއެސްޓޭޓް އާއި ރިޓެއިލް ވިޔަފާރީގައި މިހާރު ފުޅާކޮށް މަސައްކަތް ކުރާ ކުންފުންޏެކެވެ.
ޓޫރިޒަމް މިނސްޓްރީން ވަނީ މިހާރު މި ކުންފުނިން ވަނީ ރަށް ހަވާލުވެ ޓޫރިޒަމް މިނިސްޓްރީއާއެކު އެއްބަސްވުމުގައި ސޮއި ވެސް ކޮށްފަ އެެވެ.
ކުރު ގޮތަކަށް ކްލޯޒް ބިޑިން އުސޫލު
ކްލޯޒް ބިޑިންގެ އުސޫލުން ރަަށް ދެވެނީ ޕްރޮޕޯސަލް ހުށަހަޅަން އުދުވަތުދޭ ފަރާތްތަކުން ޕްރޮޕޯސަލް ހުށަހަޅާ ގޮތަަށެވެ. މި އުސޫލުގެ ދަށުން ހުށަހަޅާ ޕްރޮޕޯސަލްތައް އިވޭލުއޭޓް ކުރާނީ ފުރަތަމަ ހުށަހަޅާ ޕްރޮޕޯސަލް އިވޭލުއޭޓްކޮށްފަ ފައިސާ ދައްކަން ފުުރުސަތުދޭ ގޮތަށެވެ. މި ޕްރޮޕޯސަލްތައް އިވޭލުއޭޓް ކުރާނީ ޓޫރިޒަމް މިނިސްޓްރީގައި އޮންނަ ކޮމެޓީއަކުންނެވެ.
ކޮމެންޓް
Republic of Maldives