ދަތުރުދާނެ ރަށްތައް ހަދަން ކޮންސަލްޓަންސީ އިއުލާނު ބާތިލުކޮށްފި
ރާއްޖޭގެ ކޮންމެ އަތޮޅަކުން އެއް ރަށް ދަތުރުދާން ހާއްސަކޮށް، ސަރުކާރުން ތަރައްގީކޮށްދޭނެ ކަަމަށް ރައީސް ޑރ. މުހައްމަދު މުއިއްޒު ވިދާޅުވީ މިދިޔަ އަހަރު އޯގަސްޓް މަހު އއ. އަތޮޅަށް ކުރެއްވި ދަތުރުފުޅުގެ ތެރޭގަ އެވެ.
ރާއްޖޭގެ ކޮންމެ އަތޮޅެއްގައި ދަތުރުދާނެ ރަށެއް ނުވަތަ ޕިކްނިކް އައިލެންޑެއް ތަރައްގީކުރަން، ކޮންސަލްޓަންސީ ދޭނެ ބަޔަކު ހޯދަން ކުރި އިއުލާނު ބާތިލުކޮށްފި އެވެ.
ރާއްޖޭގެ ހުރިހާ އަތޮޅެއްގައި ދަތުރު ދިއުމަށް ހާއްސަ ރަށެއް ތަރައްގީކުރުމަށް ސަރުކާރުން ހިންގާ "ޕިކްނިކް އައިލެންޑް ޑިވެލޮޕްމަންޓް ޕްރޮޖެކްޓަށް" ކޮންސަލްޓަންސީ މަސައްކަތް ކޮށްދޭނެ ބަޔަކު ހޯދަން، ސޯޝަލް މިނިސްޓްރީން އިއުލާނުކުރީ މިދިޔަ އާދީއްތަ ދުވަހު އެވެ.
ނަމަވެސް، އެ މިނިސްޓްރީން މިއަދު ގެޒެޓުކުރި އިއުލާނެއްގައި ވަނީ ކުރިން ކުރި އިއުލާނު ބާތިލުކޮށްފަ އެވެ.
ކުރިން ކުރި އިއުލާނު ބާތިލުކުރި ސަބަބެއް މިނިސްޓްރީން ނުބުނެ އެވެ.
ރާއްޖޭގެ ކޮންމެ އަތޮޅަކުން އެއް ރަށް ދަތުރުދާން ހާއްސަކޮށް، ސަރުކާރުން ތަރައްގީކޮށްދޭނެ ކަަމަށް ރައީސް ޑރ. މުހައްމަދު މުއިއްޒު ވިދާޅުވީ މިދިޔަ އަހަރު އޯގަސްޓް މަހު އއ. އަތޮޅަށް ކުރެއްވި ދަތުރުފުޅުގެ ތެރޭގަ އެވެ.
ދަތުރުދާނެ ވަކި ރަށެއް ތަރައްގީކުރުމުން، އެ އަތޮޅެއްގައި ޓޫރިޒަމް ކުރިއެރުވުމަށްވެސް ފަސޭހަވާނެ ކަމަށް ރައީސް އޭރު ވިދާޅުވި އެވެ.
ކޮމެންޓް
Republic of Maldives