ހުޅުމާލެ ހިއްކުން ނިންމާލައިފި، ދެން ހަވާލުކުރާނީ ގޯތިތައް
މި މަޝްރޫއުގެ ދަށުން 63 ހެކްޓަރުގެ ބިން ހިއްކައި ނިންމައިފަ އެވެ. މި މަސައްކަތް ފުރިހަމަކޮށްފައިވަނީ ދެ މަސް ދުވަހުގެ ތެރޭގަ އެވެ.
ހުޅުމާލެއިން އަލަށް ހިއްކާ ބައި، ނުވަތަ "ތިންވަނަ ފިޔަވަހީ"ގެ ބިން ހިއްކުމު މަސައްކަތް ނިންމާލައި ގޯތިތައް ހަވާލު ކުރަން ތައްޔާރު ވެއްޖެ އެވެ.
ހުޅުމާލެ ތިންވަނަ ފިޔަވަހީގެ ގޮތުގައި ކުރިއަށް ގެންދިޔަ މި މަޝްރޫއަކީ މާލެ ރައްޔިތުންނަށް ގޯތިދޭން ކުރީ ސަރުކާރުން ބިން ހިއްކަން ފެށި މަޝްރޫއެކެވެ. ނަމަވެސް އެވެރިކަން ނިމިގެން ދިޔަނަމަވެސް ނުނިމި ދިގުލަިއިގެން ދިޔަ އޮޅުން ބޮޅުން ބޮޑު މި މަޝްރޫއު މި ސަރުކާރުން ނިންމާލާފައިވަނީ ހޮލެންޑުން ދެ ޑްރެޖަރު ގެނެސްގެންނެވެ.
ރައީސް ޑރ، މުހައްމަދު މުއިއްޒު ވަނީ މާލޭގެ ރައްޔިތުންނާ ބައްދަލުކޮށް ބޭއްވި ސިލްސިލާ ބައްދަލުވުންތަކުގައި މި މަޝްރޫއާ ބެހޭ ގޮތުން ވަރަށް ގިނަ ފަހަރު މައުލޫމާތު ދެއްވާފަ އެވެ. އެމަނިކުފާނު ވަނީ މި މަޝްރޫއު މި އަހަރުގެ ފުރަތަމަ ކުއާޓަރުގައި ނިމޭނެ ކަމަށް ވިދާޅުވެފަ އެވެ.
މި މަޝްރޫއުގެ ދަށުން 63 ހެކްޓަރުގެ ބިން ހިއްކައި ނިންމައިފަ އެވެ. މި މަސައްކަތް ފުރިހަމަކޮށްފައިވަނީ ދެ މަސް ދުވަހުގެ ތެރޭގަ އެވެ.
މި މަޝްރޫއު ނިމުމާއެކު ރައީސް ޑރ، މުހައްމަދު މުއިއްޒު ކުރިންވެސް ވައިދުވެފައިވާ ގޮތަށް މި ތަނުން ދޫކޮށްފައިވާ ގޯތިތައް ހަވާލު ކުރާނެ އެވެ. މިތަނުން 698 ގޯތީގެ ގުރު މިހާރު ވަނީ ނަގާފައެވެ.
އިތުރު މަޝްރޫއުތައް
ގިރާވަރު ފަޅު: ހުޅުމާލޭގެ މަސައްކަތް ނިމުމާއެކު، ދެ ޑްރެޖަރު މިހާރު ވަނީ ގިރާވަރު ފަޅު ހިއްކަން ތައްޔާރުވެފަ
ފުށިދިއްގަރު ފަޅު (ރަސްމާލެ): މި މަޝްރޫޢު އޭޕްރީލް މަހުގެ ތެރޭގައި އެއްކޮށް ނިމޭނެ
އުތުރުތިލަފަޅު: މި ސަރަހައްދު ހިއްކުމުގެ މަސައްކަތް ފެށުމަށް ވެސް ދަނީ ތައްޔާރުވަމުން
ކޮމެންޓް
Republic of Maldives