ގައުމީ ޓީމަށް ރައީސްގެ ހޫނު މަރުހަބާއެއް
ރައީސް ވިދާޅުވެފައިވާ ގޮތުގައި ކުޅުނު ކޮންމެ މެޗަކުން ވަރަށް ފުރިހަމަ މޮޅަކާއެކު ބައިނަމްއަގްވާމީ މިފަދަ މުބާރާތެއްގެ އެއްވަނަ ހޯދުމަކީ ތާރީހީ ފަހުރެކެވެ.
ސާކުގެ ގައުމުތައް ބަލިކޮށް، ރާއްޖޭގެ ގައުމީ ފުޓްސަލް ޓީމުން ކެމްޕިއަންކަން ހޯދުމާ ގުޅިގެން ރައީސް ޑރ. މުހައްމަދު މުއިއްޒު ހޫނު މަރުހަބާއެއް ދަންވައިފި އެވެ.
ރައީސް އެކްސްގައި ލިޔުއްވާފައިވާ ގޮތުގައި ޤައުމީ ފުޓްސަލް ޓީމުގެ ކުޅުންތެރީން މި ހޯދި ބޮޑު ކާމިޔާބީގެ އުފަލުގައި މާތްﷲގެ ޙަޟްރަތަށް ޙަމްދު ކުރުން އިސްކުރާ ކަމަށް ވިދާޅުވެފައިވެ އެވެ.
ރައީސް ވިދާޅުވެފައިވާ ގޮތުގައި ކުޅިވަރުގެ މައިދާނުގައި ދިވެހި ހިތްވަރުގަދަ ދަރީން ހޯދަމުންދާ ރަންވަނަތައް އިތުރުވުމަކީ، ޤައުމުގެ މުސްތަޤްބަލަށް އުޖާލާކަމެއް ކަމަށެވެ. ވަކީން ހާއްސަކޮށް ކުޅުނު ކޮންމެ މެޗަކުން ވަރަށް ފުރިހަމަ މޮޅަކާއެކު ބައިނަމްއަގްވާމީ މިފަދަ މުބާރާތެއްގެ އެއްވަނަ ހޯދުމަކީ ތާރީޚީ ފަޚުރެކެވެ.
" މިއީ ޤައުމީ ރޫޙާއި ޢަޒުމުގައި ހިތްވަރުކޮށް ކާމިޔާބު ހޯދުމުގައި ދެވަނައެއް ނެތް ރީތި ނަމޫނާއެއް. ޤައުމީ ފުޓްސަލް ޓީމުގެ ހުނަރުވެރި ކުޅަދާނަ ކުޅުންތެރީންނަށް އައްސަރިބަހާއި ޝުކުރު ތަކުރާރުކުރަން،" ރައީސް ވިދާޅުވެފައިވެ އެވެ.
ތައިލެންޑުގައި ކުރިއަށްދާ މި މުބާރާތުގެ ތަށި ރާއްޖޭން ހޯދީ ކުޅުނު ހުރިހާ މެޗަކުން މޮޅު ވެގެންނެވެ. އަދި ކުރިމަތީގައި މެޗެއް އޮއްވަ އެވެ.
ކޮމެންޓް
Republic of Maldives