ރާއްޖެއަށް ސާފް ފުޓްސަލް ތަށި | ފެނުނީ ހިތްވަރާއި ހުނަރުވެރިކަން
މި މުބާރާތުގެ ޗެމްޕިއަންކަން ރާއްޖޭން ހޯދާފައިވަނީ ކުޅުނު ފަސް ވަނަ މެޗުން ވެސް މޮޅުވެގެންނެވެ. އެންމެ ފާހަގަ ކުރެވެނީ ފުޓުބޯޅައިވެސް މި ސަރަހައްދުގެ ގަދަބާރެއް ކަމަށްވާ އިންޑިއާވެސް ބޮޑު ތަފާތަކުން ބަލި ކުރުމެވެ.
ސާކުގެ ހަތް ގައުމުގެ މެދުގައި ފުރަތަމަ ފަހަރަށް ބޭއްވި ސާފް ފުޓްސަލް ޗެމްޕިއަންޝިޕް 2026" ގެ ޗެމްޕިއަންކަން ރާއްޖޭން ހޯދުމުގައި ފެނިގެން ދިޔައީ ހިތްވަރާއި ހުނަރުގެ މިސާލެކެވެ.
ތައިލެންޑުގައި ކުރިއަށް ދިޔަ މި މުބާރާތުގެ ޗެމްޕިއަންކަން ރާއްޖޭން ހޯދާފައިވަނީ ކުޅުނު ފަސް ވަނަ މެޗުން ވެސް މޮޅުވެގެންނެވެ. އެންމެ ފާހަގަ ކުރެވެނީ ފުޓުބޯޅައިގެން މި ސަރަހައްދުގެ ގަދަބާރެއް ކަމަށްވާ އިންޑިއާވެސް ބޮޑު ތަފާތަކުން ބަލި ކުރުމެވެ. ފުޓުބޯޅައަށް ބޮޑު ހަރަދެއް ކުރާ އަދި ފުޓްސަލްގައި އަރަމުން އަންނަ އިންޑިއާ ކޮޅަށް ރާއްޖޭން ފަސް ލަނޑު ޖެހި އެވެ.
މި މުބާރާތުގެ ޗެމްޕިއަންކަން މިއަދު ރާއްޖޭން ހޯދީ ކުރިއަށް އެއް މެޗު އޮއްވަ އެވެ. ބޫޓާން މެޗުން މޮޅުވުމާއެކު ރާއްޖެއަށް ވަނީ 15 ޕޮއިންޓް ލިބިފަ އެވެ.
މި ކާމިޔާބީއާ ގުޅޭ ގޮތުން ގައުމީ ޓީވީގައި ވާހަކަ ދައްކަވަމުން އެފްއޭއެމްގެ ރައީސް އަޙްމަދު ޠާރިޤް ވިދާޅުވީ ލިބުނު ފުރަތަމަ ފުރުސަތުގައިވެސް ދިވެހި ފުޓްސަލް ޓީމުން މި ސާބިތުކޮށްދިނީ ރާއްޖެއަކީ މި ސަރަހައްދުގެ އެއްވަނަކަން ކަމަށެވެ. މި ތައްޓަކީ އޭނާ ވިދާޅުވީ ފުޓްސަލް ކޮމިއުނިޓީ އާއި ގުޅިގެން އެފްއޭއެމުން މުސްތަގްބަލުގައި ކުރަން ހުރި ކަންކަމަށް އެޅުނު އެންމެ ވަރުގަދަ ފިޔަވަޅު ކަމަށެވެ. އަދި ކުރިޔަށް އޮތް ދުވަސްތަކުގައި އެފްއޭއެމްގެ ފަރާތުން މިސީޒަންގައި ފުޓްސަލް މުބާރާތް ވެސް އިއުލާނު ކުރައްވާނެ ކަމަށް ތޯރިގު ވިދާޅުވި އެވެ.
ކޮމެންޓް
Republic of Maldives